У полацкай сярэдняй школе №1 праводзілі  ваенна-патрыятычную эстафету "Спецназ" з удзелам каманд са школ рэгіёну. Мерапрыемства адбылося пры падтрымцы Беларускай асацыяцыі ветэранаў падраздзяленняў спецыяльнага прызначэння ўнутраных войскаў МУС "Честь", якую ўзначальвае Дзмітрый Паўлічэнка - былы камандзір спецбрыгады ўнутраных войскаў МУС. Ен вядомы ўдзелам у стварэнні і кіраванні гэтак званых эскадронаў смерці – таемнага ўзброенага фармавання сілавікоў, што ў 1990-х гадах забівала апанентаў Аляксандра Лукашэнкі. За гэта былы камандзір спецназу застаецца ў чорным спісе Еўразвязу і пад санкцыямі ЗША.