Старонка суполкі «Тарака…а Ус» была дададзеная ў спіс экстрэмісцкіх матэрыялаў 27 кастрычніка 2021 году. «Экстрэмісцкай» яе прызнаў суд Дубровенскага раёну. Суполка знікла з сацыяльнай сетцы ok.ru, але хто яе выдаліў, невядома.

Вядомая ў Дуброўне актывістка Наталля Стрэльчанка паведаміла на сваёй старонцы ў «Фэйсбуку» пра тое, што ў мясцовым раённым судзе ўсталявалі нарэшце пандус для людзей з інваліднасцю. Яна дамагалася гэтага больш за два гады, знаходзячыся яшчэ ў Беларусі. Улетку 2021 году з прычыны ціску з боку сілавых структур Стрэльчанка была вымушаная пакінуць краіну.

Актывістка партыі «Народная Грамада» з Дуброўна Наталля Стрэльчанка атрымала афіцыйны ліст з камітэту ААН па правах чалавека. Яе індывідуальная скарга зарэгістраваная пад нумарам 3946/2021. Падчас прэзідэнцкай кампаніі 2020 году яна вылучалася ў межах стратэгіі «30 кандыдатаў пратэсту». Але яе ініцыятыўная група, як і групы Мікалая Статкевіча, Сяргея Ціханоўскага ды іншых кандыдатаў, не была зарэгістраваная выбарчай камісіяй.

25 сакавіка ў Дуброўна ў прыватны дом, дзе жыве актывістка «Народнай Грамады» Наталля Стрэльчанка з дзецьмі, прыйшлі некалькі супрацоўнікаў міліцыі з пастановай на ператрус. Санкцыю на яго даў пракурор Міхаіл Пацееў. Паводле пастановы, нагодай для вобшуку стала нібыта абраза ў мэсэнджары старшыні суду Дубровенскага раёну Марыі Цыклінскай.

24 лістапада да Наталлі Стрэльчанка – жонкі блогера і актывіста «Народнай Грамады» Віктара Бугаёва, прыйшлі супрацоўнікі міліцыі з панятымі, каб правесці ператрус. Гэта ўжо другі за два месяцы ператрус, які робіць дубровенская міліцыя ў межах крымінальнай справы, заведзенай на Бугаёва нібыта за абразу брэсцкага міліцыянта ў сацсетках.

Некалькі супрацоўнікаў міліцыі з панятымі прыйшлі ў дом актывісткі Натальлі Стрэльчанка, у якім яна жыве разам з непаўнагадовымі дзецьмі. З санкцыі пракурора гораду Берасьця міліцыя правяла агляд памяшканняў, у выніку якога ў актывісткі канфіскавалі смартфон, два старыя мабільніка і жорсткі дыск кампутара. У Натальлі ўзялі адбіткі пальцаў.

19 траўня Цэнтральная камісія па выбарах і правядзеньні рэспубліканскіх рэфэрэндумаў прыняла пастанову аб адмове ў рэгістрацыі ініцыятыўных груп пяці «кандыдатаў пратэсту» зь Віцебскай вобласьці. Трое зь іх – Натальля Стрэльчанка, Аляксандар Якушкоў і Уладзімер Кійко – падалі на гэтае рашэньне скаргі ў Вярхоўны суд.

15 траўня скончыўся прыём дакумэнтаў на рэгістрацыю ініцыятыўных груп. У выніковым сьпісе апынулася 55 прэтэндэнтаў на прэзыдэнцтва, сярод якіх – 6 жыхароў Віцебскай вобласьці: трое з Віцебску, па адным з Воршы, Наваполацку і Дуброўна. Хто яны?..

У Віцебскім абласным судзе 5 студзеня разгледзелі скаргі на рашэньні судоў першай інстанцыі адразу трох актывістак – Тацяны Севярынец, Натальлі Трошчанка і Натальлі Стрэльчанка. Усе яны былі аштрафаваныя за ўдзел у мірных акцыях у падтрымку незалежнасьці Беларусі. Ніводная скарга не была задаволеная.

Судзьдзя Дубровенскага райсуду Марыя Цыклінская аштрафавала 10 студзеня мясцовую актывістку партыі «Народная Грамада» Натальлю Стрэльчанку на 25 базавых велічынь (675 рублёў) – за ўдзел у менскіх акцыях за незалежнасьць. Яна прызнаная вінаватай у правапарушэньні паводле ч.1 арт.23.34 КаАП.