У TikTok выйшаў відэаролік пра палітвязня Уладзіміра Малахоўскага
Ролік стварыла каманда politzek.me. У відэароліку прыгадваюцца факты біяграфіі Уладзіміра Малахоўскага, асуджанага да трох з паловай гадоў пазбаўлення волі паводле арт. 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў).
Палітвязня Уладзіміра Малахоўскага пазбавілі пенсіі і этапавалі ў «Воўчыя норы»
Актывіст партыі БНФ і палітвязень Уладзімір Малахоўскі быў этапаваны ў папраўчую калонію N22, вядомую як «Воўчыя норы». Пра гэта паведаміла ягоная жонка Ірына. Незадоўга да этапавання экспертная камісія пазбавіла яго групы інваліднасці і забрала пенсію (250 рублёў). Уладзімір Малахоўскі хварэе на анкалогію.
«Моцна сумуе па дзецях...» Жонка палітвязня Уладзіміра Малахоўскага сустрэлася з мужам у СІЗА-2
Жонка палітвязня Уладзіміра Малахоўскага, хворага на анкалогію, Ірына пабывала 26 траўня на спатканні з мужам у следчым ізалятары ў Віцебску. Уладзіміра яна не бачыла каля месяца. Напярэдадні Віцебскі абласны суд разгледзеў яго апеляцыйную скаргу і адмовіў у задавальненні. Прысуд у дачыненні Малахоўскага – тры з паловай гады калоніі – набыў законную моц.
Прысуд палітвязню Уладзіміру Малахоўскаму, хвораму на рак, пакінулі без зменаў
25 траўня Віцебскі абласны суд разгледзеў апеляцыйную скаргу палітвязня Уладзіміра Малахоўскага, асуджанага судом Першамайскага раёну Віцебску на тры з паловай гады зняволення. Калегія па крымінальных справах аблсуду пад старшынствам суддзі Галіны Урбановіч скаргу не задаволіла і прысуд не змяніла.
«Яго там на ланцугу вадзілі». У якіх умовах утрымліваюць хворага на рак палітвязня Уладзіміра Малахоўскага
Хворы на анкалогію палітвязень Уладзімір Малахоўскі знаходзіцца ў віцебскім СІЗА амаль паўгода. 25 траўня абласны суд разгледзіць ягоную скаргу на рашэнне суду Першамайскага раёну, які прызнаў яго вінаватым у гвалце да міліцыянтаў і асудзіў да трох з паловай гадоў калоніі.
Уладзіміра Малахоўскага асудзілі на 3 гады і 6 месяцаў калоніі. Ён хворы на анкалогію
У судзе Першамайскага раёну Віцебску 1 сакавіка вынеслі абвінаваўчы прысуд у дачыненні да 54 гадовага Уладзіміра Малахоўскага, якому інкрымінавалі гвалтоўныя дзеянні супраць міліцыянтаў (арт. 364 КК). Суддзя Таццяна Родзіна прызнала віцябляніна вінаватым і пакарала пазбаўленнем волі на 3 гады і 6 месяцаў у калоніі агульнага рэжыму.
Пракурорка запатрабавала для Малахоўскага 6 гадоў калоніі. Ён хварэе на рак
У судзе Першамайскага раёну Віцебску 26 лютага адбыліся спрэчкі бакоў у справе віцябляніна Уладзіміра Малахоўскага, якога абвінавачваюць паводле арт. 364 КК («Гвалт або пагроза гвалтам у дачыненні да супрацоўнікаў МУС»). Журналістаў і сваякоў падсуднага на паседжанне не пусцілі – трапіла толькі жонка. Яна паведаміла, што пракурорка запатрабавала прызнаць яе мужа вінаватым і пакараць пазбаўленнем волі на 6 гадоў.
Хворага на рак мужчыну могуць пасадзіць на 6 гадоў – за гвалт да супрацоўнікаў МУС
Суд Першамайскага раёну Віцебску 22 лютага пачаў разглядаць крымінальную справу 54-гадовага Уладзіміра Малахоўскага. Яго абвінавачваюць паводле арт. 364 КК («Гвалт або пагроза гвалтам у дачыненні да супрацоўнікаў МУС»). Ад 13 студзеня мужчына ўтрымліваецца ў СІЗА-2. Ён мае трэцюю групу інваліднасці і хварэе на анкалогію.
Уладзіміру Малахоўскаму змянілі меру стрымання – узялі пад варту
13 студзеня віцябляніну Уладзіміру Малахоўскаму, на якога была заведзеная крымінальная справа паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»), змянілі меру стрымання з падпіскі аб нявыездзе на заключэнне пад варту. Калі адбудзецца суд – пакуль невядома.
Віцябляніна Малахоўскага могуць абвінаваціць ва ўжыванні гвалту да супрацоўніка міліцыі
Віцяблянін Уладзімір Малахоўскі ад 13 верасня знаходзіцца ў ізалятары часовага ўтрымання (ІЧУ). У сераду 16 верасня яго судзілі за ўдзел у несанкцыянаваным шэсці (ч.1 арт. 23.34), але на волю не выпусцілі: мужчыну зноў затрымалі па падазрэнні ва ўчыненні крымінальнага злачынства – да выстаўлення абвінавачання. Выставіць яго мусяць праз 72 гадзіны.