На платформе па зборы подпісаў Petitionsby 8 чэрвеня з'явілася петыцыя з патрабаваннем да мясцовых уладаў спыніць у Віцебску абразанне дрэваў «пад слуп». Сабраныя подпісы будуць накіраваныя ў Віцебскі гарвыканкам, а таксама ў пракуратуру гораду Віцебску. Зварот ад мясцовых жыхароў складзены на беларускай мове.

Грамадзянская ініцыятыва “Самасад” ладзіць чарговую акцыю азеляненьня Віцебску. Актывісты запрашаюць усіх віцяблян 20 красавіка ўзяць удзел у пасадцы дрэваў у парку Петруся Броўкі. Агульны збор – ў 11.00.

Бацькі і сваякі асуджаных паводле “наркатычнага” артыкулу 328 разам з настаўнікамі і вучнямі віцебскай СШ №24 высадзілі за гіпэрмаркетам “Карона” ў Віцебску бярозавую алею.

Ініцыятыва “Самасад” (“Самастойнае садоўніцтва”) правяла 14 кастрычніка ў Віцебску чарговую акцыю. Віцябляне высадзілі ў мікрараёне Білева-2 каля 200 саджанцаў ясеня, клёну ды явару. Да акцыі далучыліся мясцовыя жыхары і нават дворнікі – рыдлёвак на ўсіх не хапала…

Ад 3-га да 27-га верасьня ў Віцебску пройдзе грамадзкае абмеркаваньне архітэктурна-пляніровачнай канцэпцыі эскізу будаўніцтва футбольнага манэжу дзіцяча-юнацкай школы ФК “Віцебск”. Манэж мяркуюць пабудаваць на праспэкце Люднікава ў раёне ЦСК “Віцебск”. Прыблізны кошт будаўніцтва – 5 млн. 547 тыс. рублёў.

На пачатку ліпеня ў віцебскім мікрараёне Білева-3 зьнішчылі дзясяткі дрэваў пад будаўніцтва чарговай аўтазапраўкі. Стала вядома, што дрэвы сьсеклі з дазволу гарадзкіх уладаў, а ўзьвядзеньне АЗС было запраектаванае яшчэ ў верасьні 2017 году. Грамадзкія абмеркаваньні не праводзіліся.

У рэдакцыю ВВ зьвярнулася наведвальніца сайту з паведамленьнем пра зьнішчэньне лясных абшараў ў Гарадоцкім раёне. Паводле Ірыны Афанасьевай, маштабная высечка лесу цягнецца ўжо гадоў пяць. Лесавозы руйнуюць мясцовыя дарогі, а пра тое, каб пасьля выкананых работ засадзіць лес новымі дрэвамі, ніхто ня дбае – тэрыторыя зарастае самаадвольна, як давядзецца.

У мікрараёне Білева ў Віцебску зьнішчылі паўсотню дрэваў. Пад пілу патрапілі дубы, асіны, вольхі ды іншыя. Дрэвы сьпілавалі на пляцоўцы, выдзеленай пад будаўніцтва чарговай АЗС і аўтамыйні насупраць нядаўна пабудаваных дамоў №№ 17 і 21 па вуліцы 33-й Арміі. Навасёлы незадаволеныя.

Ад 20 чэрвеня пачнецца грамадзкае абмеркаваньне архітэктурна-пляніровачнай канцэпцыі будаўніцтва жылога дому насупраць заводу “Сьцяг Індустрыялізацыі” на вуліцы Гагарына ў Віцебску. Згодна з перадпраектнай дакумэнтацыяй, будуць зруйнаваныя два трохпавярховікі і сьсечаная “вялікая колькасьць дрэваў”. Пад знос пойдуць дамы №8 і №10.

Мёрскі раённы выканаўчы камітэт выносіць на грамадзкае абмеркаваньне праект рашэньня аб выдачы дазволу на выдаленьне аб'ектаў расьліннага сьвету ў сувязі з тым, што дрэвы перашкаджаюць эксплёатацыі аб'ектаў дарожна-транспартнай інфраструктуры гораду Мёры па адрасе вул. Ізварын, раён моста паміж азёрамі.