Днямі на інтэрнэт-платформе «Зручны горад» з'явілася петыцыя №5840, у якой мясцовыя актывісты прасілі чыноўнікаў Міністэрства аховы здароўя прыбраць антынавуковы артыкул з сайта Наваполацкай Цэнтральнай гарадской бальніцы, у якім сцвярджаецца аб наяўнасці прамой залежнасці «звышздольнасцяў» чалавека ад групы крыві. На думку складальнікаў петыцыі Міністэрства аховы здароўя Беларусі не прызнае наяўнасць медыумаў і празорцаў навукова даказаным фактам.

На тое, што сайт Віцебскага гарадскога выканаўчага камітэта быў недаступны з-за мяжы на дату 17.03.2024 года была пададзена грамадская петыцыя №5799. Складальнікі і падпісанты звароту прасілі ў чыноўнікаў зняць гэтую праблему. У сярэдзіне красавіка доступ да сайта быў адноўлены.

Рэдакцыі незалежных беларускіх СМІ перажываюць зараз нялёгкія часы. Амаль усе не проста выехалі з Беларусі, іх супрацоўнікі аказаліся раскіданымі па розных краінах. Тым не менш адданыя сваёй працы журналісты знаходзяць магчымасці аднавіць дзейнасць сваіх медыя. Не выключэнне «Віцебскі Кур'ер news». Як гаворыць адзін з заснавальнікаў выдання Аляксандр Корнышаў, зараз своеасаблівы этап перазапуску, паступовага вяртання да паўнацэннай работы.

У лістападзе 2022 года споўніцца тры гады як жыхары Віцебска выбралі Віктара Нікалайкіна, Таццяну Аўтухову, Святлану Горваль і Аляксея Ягорава дэпутатамі Палаты прадстаўнікоў Нацыянальнага сходу Рэспублікі Беларусь. Хутчэй за ўсё, праз год гэтыя палітыкі будуць прэтэндаваць на перавыбранне, таму важна ведаць, чым яны займаліся, працуючы ў парламенце. Адным з індыкатараў ацэнкі дзейнасці "народных абраннікаў" з'яўляецца аналіз інфармацыі, якая змяшчаецца на сайтах гэтых дэпутатаў. І калі шчыра, то пасля знаёмства са зместам сайтаў у большасці віцебскіх выбаршчыкаў абавязкова ўзнікнуць сумненні правільнасці выбару, зробленага ў 2019 годзе. 

За першыя 6 месяцы 2022 года судамі Віцебскай вобласці прызнаны 73 інфармацыйных рэсурсаў, якія распаўсюджваюць экстрэмісцкія матэрыялы. У рэпрэсіях супраць свабоды распаўсюджвання інфармацыі ў сетцы Інтэрнэт прынялі ўдзел суддзі 20 раённых судоў рэгіёна. У параўнанні з пачаткам года, штомесячная колькасць прызнання матэрыялаў экстрэмісцкімі засталася на адным и тым жа ўзроўні.

З 14 лютага агітацыя ў дзяржаўных СМІ за прыняцце паправак у Канстытуцыю набыла масавы і даволі агрэсіўны характар. Але калі ацэньваць з пункту гледжання колькасці праглядаў публікацыяў аб «рэферэндуме» на 24 сайтах праўладных газет, то можна зрабіць выснову аб неэфектыўнасці дзяржаўнай прапагандысцкай машыны.

1 лютага шэраг рэсурсаў праваабарончага цэнтру «Вясны» з'явіліся ў Рэспубліканскім спісе экстрэмісцкіх матэрыялаў. «Экстрэмісцкай» была прызнаная 21 інтэрнэт-старонка Праваабарончага цэнтру — пералік іх займае ажно 2,5 старонкі ў Рэспубліканскім спісе экстрэмісцкіх матэрыялаў.

Пракурор Віцебскай вобласці Ігар Украінец пастанавіў абмежаваць доступ да інтэрнэт-сайтаў «zubr.media» і «xx2022.org». На думку пракурора, гэтыя інфармацыйныя рэсурсы распаўсюджвалі інфармацыю, якая можа нанесці шкоду нацыянальным інтарэсам Рэспублікі Беларусь.

Генеральны пракурор Рэспублікі Беларусь Андрэй Швед вынес пастанову аб абмежаванні доступу да сайту арганізацыі «Міжнародны Цэнтр Грамадзянскіх Ініцыятыў «Наш дом», якую ўзначальвае ўраджэнка Віцебску Вольга Карач. Падставай стала тое, што, на думку генпракурора, рэдакцыяй сайта неаднаразова парушала патрабаванні законаў Рэспублікі Беларусь «Аб сродках масавай інфармацыі» і «Аб супрацьдзеянні экстрэмізму».

Толькі чатыры з 23-х афіцыйных сайтаў райвыканкамаў на Віцебшчыне маюць беларускамоўную вэрсію. Атрымаць інфармацыю па-беларуску можна на сайтах Віцебскага, Полацкага, Глыбоцкага і Лёзьненскага райвыканкамаў. На ўсіх астатніх яна падаецца толькі на расейскай і ангельскай мовах. Распрацоўшчык гэтых рэсурсаў – кампанія БелТА.