Нягледзячы на тое, што адвакатка Марына Гарбачова спрабавала аспрэчыць у судзе вышэйшай інстанцыі рашэньне судзьдзі Кастрычніцкага райсуду Сяргея Будрэвіча, які пакараў віцебскага актывіста 12-цю суткамі арышту за сьвяткаваньне Дня Волі, спадару Жаляпаву давялося адседзець увесь прызначаны яму тэрмін.

Журналіста Арцёма Сізінцава, пакаранага дзесяцьцю соднямі за асьвятленьне сьвяткаваньня Дня Волі ў Віцебску, ля дзьвярэй ізалятара часовага ўтрыманьня (ІЧУ) сустрэлі родныя і калегі.

Нягледзячы на тое, што мясцовыя ўлады Віцебску забаранілі мітынгі ды шэсьце 25 сакавіка, апоўдні больш за сотню грамадзянаў выйшлі на плошчу Перамогі. Пасьля людзі прайшлі калёнай да помніку князю Альгерду, памятнай дошкі Васілю Быкаву і манумэнта Ўладзімеру Караткевічу, ушанаваўшы кветкамі гэтых знакавых асобаў беларускай нацыянальнай гісторыі.

Аршанскага актывіста кампаніі «Гавары праўду» Ігара Грышанава 15 сакавіка вызвалілі з ізалятара часовага ўтрыманьня, у якім ён знаходзіўся трое сутак.

Віцебскае ўпраўленьне Міністэрства ўнутраных спраў не дазволіла праваабаронцам наведаць Пункт часовага пасяленьня (ПЧП) уцекачоў у Віцебску і Віцебскі ізалятар часовага ўтрыманьня (ІЧУ). Праваабаронцы хацелі паглядзець, як жывуць украінцы, якія чакаюць атрыманьня права на жыхарства.

У межах маніторынгу ўмоў утрыманьня і абыходжаньня з адміністрацыйна затрыманымі і арыштаванымі ў ізалятарах часовага ўтрыманьня праваабаронца Павал Левінаў наведаў начальніка ІЧУ УУС Віцебскага аблвыканкаму палкоўніка міліцыі Марозава Андрэя Мікалаевіча.

Скончыўся тэрмін адбываньня пакараньня Яна Дзяржаўцава. 1 красавіка палітык быў вызвалены зь Віцебскага ізалятару часовага ўтрыманьня. Тыдзень таму ён быў прысуджаны да сямі сутак арышту судзьдзёй Першамайскага раёну Віцебску Натальляй Карабліной за ўдзел у несанкцыянаваным пікеце ў падтрымку байкоту выбараў.

Апазыцыянэра затрымалі пасьля ўскладаньня кветак да помніку Караткевічу і памятнай дошкі Быкаву. Пра гэта паведаміла Алена Каваленка: «Яна Дзяржаўцава затрымалі каля 14 гадзін на вуліцы Кірава ў Віцебску, ён вяртаўся дадому пасьля ўскладаньня кветак з нагоды Дня Волі да помніку Ўладзімеру Караткевічу і памятнай дошкі Васілю Быкаву. А да гэтага сваякі актывіста паведамілі, што да яго прыходзілі двое міліцыянтаў дадому. Да мяне 10 хвілін таму прыйшла суседка і сказала, што мяне таксама шукалі два міліцыянты».

Пры правядзеньні маніторынгу месцаў прымусовага ўтрыманьня, прыватнай культурна-асьветніцкай установай «Платформ інавэйшан» выяўлены факт раптоўнай сьмерці адміністрацыйна-затрыманага за парушэньне артыкулу 17.1 Кодэксу аб адміністрацыйных правапарушэньнях Рэспублікі Беларусь пяцідзесяцігадовага грамадзяніна Кудзелкі Ігара Паўлавіча.

Правёўшы пяць сутак у Віцебскім ізалятары часовага ўтрыманьня (ІЧУ) за раздачу ўлётак з запрашэньнем на акцыю 25 сакавіка, абласны кіраўнік партыі БНФ Леанід Аўтухоў вымушаны быў зьвярнуцца да лекараў. Паводле палітыка, у ІЧУ ён быў дастаўлены зусім здаровым, а як выйшаў стуль, лекары паставілі яму дыягназ «інфэкцыйная ангіна». На думку Леаніда Аўтухова, інфэкцыю ён, найхутчэй, падчапіў у ІЧУ, таму папрасіў санстанцыю праверыць на адпаведнасьць санітарным нормам умовы ўтрыманьня грамадзян у ізалятары.