Віцяблянін Аляксей Прохараў быў затрыманы ўвечары 22 чэрвеня супрацоўнікамі АМАП па дарозе з суду над Аленай Янушкоўскай, на якім прысутнічаў у якасьці слухача. Аляксея спынілі на пераходзе праз вуліцу людзі ў цывільным адзеньні, запхалі ў мікрааўтобус і адвезьлі ў АУС Віцебскага раёну. Адтуль – перавезьлі ў ізалятар часовага ўтрыманьня. 23 чэрвеня Прохарава праз скайп прысудзілі да штрафу ў памеры 40 базавых велічынь.

У судзе Чыгуначнага раёну Віцебска да 10 сутак арышту асуджаны актывіст Аляксей Прохараў. Працэс адбываўся праз Skype, бо з 22-га траўня віцяблянін знаходзіцца ў ізалятары часовага ўтрымання (ІЧУ), паведамляе Беларускае Радыё Рацыя. Справу разглядала судзьдзя Алена Цыганкова.

Аляксея Прохарава запрасілі ў аддзел аховы правапарадку Чыгуначнага раёну Віцебску для дачы тлумачэньняў пра ягоны ўдзел у кармленьні галубоў 3 траўня. Але зь міліцыі яго не выпусьцілі – затрымалі і адразу адвезьлі ў ізалятар часовага ўтрыманьня (ІЧУ). Актывіст пасьпеў паведаміць праваабаронцу, што суд над ім адбудзецца ў панядзелак.

У Віцебску 30 студзеня прайшлі апошнія суды над удзельнікамі пікету на плошчы Перамогі 29 сьнежня. Суд Чыгуначнага раёну Віцебску пакараў Аляксея Прохарава штрафам у памеры 50 базавых велічынь, Тацяну Севярынец аштрафавалі на 20 базавых. Абодва прызнаныя парушальнікамі заканадаўства аб масавых мерапрыемствах.

У Віцебску пачаліся суды над удзельнікамі сьнежаньскага пікету на плошчы Перамогі ў Віцебску. Справы пікетоўцаў, якія выказаліся ў падтрымку незалежнасьці краіны, разглядаюцца ў судзе Чыгуначнага раёну Віцебску. 15 студзеня штрафам пакаралі віцябляніна Алега Паўлава, справу яшчэ аднаго ўдзельніка акцыі – Аляксея Прохарава, накіравалі на дапрацоўку.

Акцыя ў падтрымку незалежнасьці Беларусі адбылася ў Віцебску 29 сьнежня 2019 году. Цяпер на ўдзельнікаў пікету складаюць адміністрацыйныя пратаколы паводле арт. 23.34 (парушэньне парадку арганізацыі альбо правядзеньня масавых мерапрыемстваў). Даты некалькіх судоў ужо вядомыя.

Суд Віцебскага раёну 26 сьнежня пакараў мясцовага актывіста Аляксея Прохарава штрафам у памеры 5 базавых велічынь за рэпост «Укантакце» і Facebook. Судзьдзя палічыў, што ў паведамленьні ўтрымліваецца заклік да ўдзелу ў несанкцыянаванай акцыі.

Віцябляніну Аляксею Прохараву паведамілі, што ў дачыненьні да яго распачатая адміністрацыйная справа за правапарушэньне, прадугледжанае артыкулам 23.34 КаАП РБ (Парушэньне парадку арганізацыі ці правядзеньня масавых мерапрыемстваў). Пратакол склалі супрацоўнікі аддзяленьня міліцыі Віцебскага раёну.