Паўтары хвіліны спатрэбілася судзьдзі Віцебскага абласнога суду Сьвятлане Івановай, каб разгледзець скаргі журналіста-фрылянсэра Зьмітра Лупача на рашэньні Глыбоцкага і Шаркоўшчынскага судоў. Судзьдзя пастанавіла пакінуць скаргі без задавальненьня.

Пра тое, што судзьдзя Віцебскага райсуду Міхаіл Зубеня парушыў правы грамадзяніна, паведаміў Вярхоўнаму суду віцебскі праваабаронца Павал Левінаў. У сакавіку 2019 году судзьдзя Зубеня аштрафаваў журналіста Віталя Скрыля на 25 базавых велічынь. Падчас суду ён адхіліў хадайніцтвы Скрыля аб удзеле ў працэсе перакладчыка і беларускамоўнага адваката. Вярхоўны суд парушэньняў не пабачыў…

Агулам па дзьвюх адміністрацыйных справах на 40 базавых велічыняў аштрафаваў Глыбоцкі раённы суд незалежнага журналіста Зьмітра Лупача, паведамляе Беларускае Радыё Рацыя.

Увечары 27 сакавіка незалежныя журналісты з Глыбокага Зьміцер Лупач і Тацяна Смоткіна атрымалі позвы з Шаркоўшчынскага райаддзелу міліцыі. Спачатку міліцыянты даслалі ім позвы праз мэсэнджары Viber і WhatsApp, а потым патэлефанавалі і яшчэ раз запрасілі на так званую “гутарку” на 29 сакавіка, паведамляе “Беларуская асацыяцыя журналістаў”.

Два дні спатрэбілася судзьдзі Міхаілу Зубені, каб аштрафаваць віцебскага журналіста-фрылянсэра Віталя Скрыля на 25 базавых велічынь за парушэньне заканадаўства аб СМІ. Яго прызналі вінаватым у незаконным вырабе прадукцыі СМІ (ч.2 арт.22.9 КаАП).

Судзьдзя Глыбоцкага раённага суду Андрэй Тарасевіч аштрафаваў журналіста-фрылянсэра  Зьмітра Лупача на 35 базавых велічыняў, што складае амаль 900 беларускіх рублёў, перадае служба маніторынгу Беларускай асацыяцыі журналістаў. У суд журналіст прынёс павялічаны ў дзясяткі разоў квіток аб аплаце папярэдняга штрафу.

Камітэт па правах чалавека ААН прыняў да разгляду паведамленьні аб парушэньні дзяржавай правоў на свабоднае выказваньне свайго меркаваньня ў дачыненьні фрылянсэраў Зьмітра Лупача і Тацяны Смоткінай. Пра гэта паведаміў аўтар зваротаў у КПЧ ААН віцебскі праваабаронца Павал Левінаў. Ліст з Камітэту ён атрымаў 10 сьнежня – у Дзень правоў чалавека.

Глыбоцкія міліцыянты 5 сьнежня склалі чарговы пратакол паводле часткі другой артыкулу 22.9 КаАП на фрылянсэра Зьмітра Лупача. Позву журналісту даслаў на Viber капітан міліцыі, старшы інспэктар па дазвольнай рабоце аддзелу аховы правапарадку і прафіляктыкі Сяргей Цырбан.

11 ліпеня ў Віцебскім абласным судзе судзьдзя Ірына Смалякова разгледзела адразу дзьве касацыйныя скаргі незалежных журналістаў на рашэньне суду Глыбоцкага раёну – Зьмітра Лупача і Тацяны Смоткінай. Апошняя на разбор сваёй скаргі прыбыць не змагла, і ёй судзьдзя паменшыла штраф на 10 базавых. Пакараньне ж Зьмітру, які на суд у Віцебск прыехаў, засталося нязьмененым.

25 красавіка выдаўся для судзьдзі Віцебскага абласнога суду Сьвятланы Івановай насычаным – за адзін дзень яна змагла правесьці два судовыя паседжаньні. Рашэньні былі прынятыя па скаргах журналістаў-фрылянсэраў Алены Шабуні ды Вячаслава Лазарава зь Віцебску і Зьмітра Лупача з Глыбокага. Калі першае разьбіральніцтва ішло цягам дзесяці хвілін, то на другое хапіла дзьве.