30 снежня святкуе дзень нараджэння жыхар Віцебска, адзін з лідараў беларускай апазіцыі, палітвязень, пісьменнік Павел Севярынец. Яму споўнілася 46 гадоў. Гэта дзявяты дзень нараджэння, які палітык праводзіць за кратамі.

Мінулае доўгатэрміновае спатканне ў палітвязня Паўла Севярынца было ў снежні 2021 году. Пасля гэтага, у красавіку, лідара Беларускай Хрысціянскай дэмакратыі, які адбывае пакаранне ў шклоўскай ПК №17, прызналі злосным парушальнікам рэжыму, скарацілі дазволеную колькасць тэлефанаванняў дадому і грашовых пераводаў. 

Жыхарка Віцебску Аксана Ісакава кажа, што яе сын Віктар Селязьнёў і грамадзянскі муж Аляксандар Кудраўцаў, якія адбываюць пакараньне ў Шклоўскай калёніі № 17, у небясьпецы. Жанчына непакоіцца, што іхнае жыцьцё пад пагрозаю. Паводле яе, асуджаныя патрабуюць сустрэчы з пракурорам, але ім такой магчымасьці не даюць.