Сталі вядомыя падрабязнасці абвінавачванняў, высуных супраць пастара Аляксандра Зарэцкага з Навалукомля. 5 сакавіка суддзя Чашніцкага райсуда Ала Смірнова пакарала яго арыштам на 15 сутак за «несанкцыянаванае пікетаванне». Пікетам суд палічыў пропаведзь пастара падчас аднаго з богаслужэнняў, на якой, верагодна, прысутнічалі аператыўнікі. Фразы «помолимся за тех, кто в тюрьмах по сфальсифицированным причинам»,  «давайце маліцца за Украіну» і іншыя былі расцэнены як выразы, якія «адлюстроўваюць грамадска-палітычныя інтарэсы».

Суддзя суда Наваполацка Зінаіда Балаболава 7 сакавіка за распаўсюджванне «экстрэмісцкіх» відэа публікацый у сацыяльнай сетцы арыштавала на 15 сутак інжынера-каструктара канструктарскага аддзела 72 ААТ "Вымяральнік" Аляксея Сабурава. Першыя "суткі" ён атрымаў 26 лютага ад той жа суддзі.

Суддзя суда Пастаўскага раёна Наталля Максімовіч 19 лютага за падпіску на "экстрэмісцкія" інфармацыйныя рэсурсы ў сацыяльных сетках арыштавала на 9 сутак беспрацоўнага мясцовага жыхара Дзмітрыя Казлоўскага. 12 лютага тая ж самая суддзя прызначыла Дзмітрыю 6 сутак за “экстрэмізм”.

Суддзя суда Наваполацка Зінаіда Балаболава 29 лютага за распаўсюд у сацыяльнай сетцы “экстрэмісцкай” відэапрадукцыі арыштавала на 15 сутак мясцовага жыхара Іллю Рагожнікава.

Суддзя суда Наваполацка Зінаіда Балаболава 29 лютага за захоўванне відэароліка запампаванага з відэахостынгу арыштавала на 15 сутак жыхара Наваполацка Уладзіслава Бендзікава.

Пастара евангельскай царквы Аляксандра Зарэцкага затрымалі 22 лютага, і першы арышт на 15 сутак яму быў прысуджаны суддзёй суда Чашніцкага раёну Ірынай Кручынінай за распаўсюд так званых «экстрэмісцкіх матэрыялаў». А ўжо 5 сакавіка суддзя Ала Смірнова пакарала яго арыштам на 15 сутак за «несанкцыянаванае пікетаванне». Пікетам улады палічылі пропаведзь пастара падчас аднаго з богаслужэнняў.

Суддзя суда Наваполацка Зінаіда Балаболава 26 лютага падпіску ў сацыяльнай сетцы на «экстрэмісцкія» публікацыі арыштавала на 15 сутак інжынера-канструктара канструктарскага аддзела 72 ААТ "Вымяральнік" Аляксея Сабурава.

Суддзя суда Міёрскага раёна Ірына Яскевіч 26 лютага за падпіску ў сацыяльных сетках на "экстрэмісцкія" інфармацыйныя рэсурсы арыштавала на 5 сутак кантралёра-касіра Аляксандра Сінкевіча.

Суддзя суда Пастаўскага раёна Наталля Максімовіч 12 лютага за падпіску на "экстрэмісцкія" інфармацыйныя рэсурсы ў сацыяльных сетках арыштавала на 6 сутак беспрацоўнага мясцовага жыхара Дзмітрыя Казлоўскага.

Суддзя суда Бешанковіцкага раёна Кацярына Мацкевіч 16 лютага за падпіску на ў сацыяльнай сетцы на два “экстрэмісцкія” інфарэсурсы арыштавала на 15 сутак муляра Аляксея Сытава.