Зарэцкі быў затрыманы 22 лютага. Паводле ініцыятывы Хрысціянская візія, яго затрымалі затое, што ў царкве маліліся за спыненне вайны ва Ўкраіне. Раней, 20 красавіка і 12 траўня мінулага года суддзя суда Чашніцкага раёна Ірына Кручыніна за «экстрэмізм» арыштавала пастара двойчы запар на 15 сутак, т.б. ён правёўшы за кратамі адзін месяц.

Суддзя суда Пастаўскага раёна Наталля Максімовіч 9 лютага за распаўсюджванне "экстрэмізму" ў сацыяльных сетках арыштавала на 10 сутак прыбіральшчыцу мясцовага камбіната бытавога абслугоўвання Алену Борсук. А 16 лютага суддзя Віцебскага абласнога суда Святлана Іванова разгледзела яе апеляцыю і пакінула без змены рашэнне суда першай інстанцыі, а скаргу «правапарушальніцы» без задавальнення. Раней, 16 студзеня, Барсук была пакарана арыштам па арт. 19.11 КаАП.

Суддзя суда Наваполацка Зінаіда Балаболава 15 лютага за правядзенне не дазволенага ўладамі масавага мерапрыемства ў сацыяльнай сетцы арыштавала на 7 сутак Міксіма Вуська.

Суддзя суда Наваполацка Зінаіда Балаболава 12 лютага за распаўсюджванне "экстрэмізму" ў сацыяльнай сетцы арыштавала на 10 сутак жыхара Наваполацка Валерыя Максіменка.

Суддзя суда Наваполацка Зінаіда Балаболава 31 студзеня за публічную дэманстрацыю нацысцкай сімволікі арыштавала на 13 сутак кантралёра кантрольна-прапускнога пункта ААТ "Нафтан" актывіста гіравага спорту і члена Белхімпрафсаюза Артура Францава.

Суддзя суда Наваполацка Сняжана Калінічэнка 18 снежня 2023 года за распаўсюд «экстрэмізму» ў сацыяльнай сетцы арыштавала на 7 сутак мясцовую жыхарку Таццяну Прус.

Кадры затрымання 32-гадовага менеджара УП «Полацксантэхэлектрасбыт» размясціў у чарговым саматужным відэароліку віцебскі тэлеграм-канал «Северная столица». Тэлеграм-канал спецыялізуецца на выпуску міліцэйскіх «агітак» і відэароліках з выкарыстаннем так званых пакаяльных відэа, якія трапляюць да «рэжысёраў» непасрэдна ад віцебскіх міліцыянтаў. Відэазапісы, на якіх знаёмыя пазналі Іллю Матэвушава, суправаджаюцца яшчэ і вербальнымі абразамі: затрыманага называюць «паразитом, не меющим ни ума, ни совести, способным на подлые поступки, предательство и низменнось». Пры гэтым допіс утрымлівае вялікую колькасць памылак, што даўно ўжо стала «фірмовым стылем» тэлеграм-канала «Северная столица» і сведчыць пра вельмі невысокі ўзровень адукацыі і культуры аўтараў.

Суддзя суда Наваполацка Зінаіда Балаболава 25 студзеня за «экстрэмізм» у сацыяльнай сетцы арыштавала на 7 сутак Віктара Яскевіча.

Суддзя суда Наваполацка Зінаіда Балаболава 25 студзеня і 1 лютага пакарала адпаведна 13 і 15 суткамі арышту Аляксея Кісялёва, бо па версіі работнікаў мясцовай суполкі міліцыі ён распаўсюдзіў «экстрэмізм» у сацыяльных сетках.

Суддзя суда Наваполацка Зінаіда Балаболава 30 студзеня за падпіску на «экстрэмісцкія» публікацыі ў сацыяльнай сетцы арыштавала на 7 сутак наваполацкага прадпрымальніка Валерыя Зайца, які займаецца перавозкай пасажыраў.