Упраўленьне па адукацыі Аршанскага райвыканкаму разаслала кіраўнікам школ і гімназій раёну дырэктыву (пад грыфам “Тэрмінова!!!”) аб набыцьці квіткоў на канцэрты XXVIII Міжнароднага фэстывалю мастацтваў “Славянскі базар у Віцебску”. Паперу апублікаваў на сваім тэлеграм-канале блогер NEXTA.

Напрыканцы траўня ў Менскім міжнародным адукацыйным цэнтры імя Ёханэса Раў адбылася стартавая сустрэча для пераможцаў конкурсу міні-праектаў і праграмы “Гарады і арганізацыі – навучэнцы”.

Дырэктара адной са школаў Першамайскага раёну Віцебску падазраюць у тым, што ён пасылаў настаўнікаў працаваць на лецішчы блізкай сваячкі. У дачыненьні да службовай асобы распачалі крымінальную справу паводле ч. 2 арт. 424 КК Рэспублікі Беларусь (Злоўжываньне ўладай ці службовымі паўнамоцтвамі), паведамляе прэс-служба УУС аблвыканкаму.

У Міжнародны дзень барацьбы з наркаманіяй і наркабізнэсам, які адзначаецца 1 сакавіка, віцебскія актывісты “Руху маці 328” інфармавалі гараджан аб небясьпецы ўцягваньня школьнікаў і моладзі ў наркабізнэс у якасьці кур’ераў інтэрнэт-крамаў.

Каб распавесьці віцебчукам пра магчымыя наступствы ўжываньня наркатычных рэчываў, актывісты кампаніі Legalize Belarus зладзілі 24 лютага лекцыю і дыскусію ў “Бітлз-клюбе”. У сустрэчы ўзялі ўдзел віцебскія праваабаронцы, журналісты, сацыяльныя работнікі і нават – лекары.

6 лютага ў віцебскім арт-пабе «Торвальд» адбылася сустрэча рэктара Ўнівэрсытэту імя Ніла Гілевіча Алега Трусава і прарэктара Паўла Церашковіча зь мясцовай грамадзкасьцю. Гаворка ішла пра стварэньне першага цалкам беларускамоўнага ўнівэрсытэту і выдавецкія навінкі.

Першая сустрэча ў межах навучальнага курсу «Сыстэмная, інфармацыйна-аналітычная падтрымка прадпрымальніцтва на нацыянальным і рэгіянальным узроўні» прайшла 2 лютага. Арганізатарам выступіла грамадзкае аб'яднаньне «Асацыяцыя наймальнікаў і прадпрымальнікаў» Віцебскай вобласьці.

Паводле рашэньня аблсавету “Аб абласным бюджэце на 2019 год” ад 20 сьнежня 2018 года, улады мяркуюць спагнаць сёлета з грамадзян у абласны бюджэт 953 тыс. 904 рублі штрафаў.

У Віцебску 20 сьнежня прайшоў міні-форум гарадзкіх актывістаў. Удзельнікі падвялі вынікі году, абмеркавалі шляхі супрацоўніцтва з уладамі і мясцовым бізнэсам, спрачаліся і давалі парады пачаткоўцам. Безумоўным хэдлайнэрам сустрэчы быў вядомы менскі актывіст і стваральнік праекту “МотолькоПомоги” Антон Матолька.

Пракуратура гораду Віцебску правяла ў верасьні праверку і прыйшла да высновы, што большасьць гарадзкіх школ не забясьпечаныя лыжамі і адпаведнай экіпіроўкай. Аддзелы адукацыі кінуліся выпраўляць недахопы. У школы Першамайскага раёну Віцебску набываюць лыжаў ды канькоў на 270 тыс. рублёў.