Судзьдзя Докшыцкага райсуду Вячаслаў Елісеенка 31 траўня прысудзіў 30 базавых велічыняў (735 рублёў) штрафу журналістцы з Глыбокага Тацяне Смоткінай. Журналістка была аштрафаваная паводле часткі 2 артыкулу 22.9 КаАП за матэрыял “Вываз сьмецьця – паслуга абавязковая”, які быў разьмешчаны на сайце “Беларускага Радыё Рацыя”.

16 сакавіка судзьдзя суду Віцебскага раёну Міхаіл Зубеня разгледзеў справу аб адміністрацыйным правапарушэньні ў дачыненьні да віцебскіх журналістаў Вячаслава Лазарава і Алены Шабуні, абвінавачаных паводле часткі 2 артыкулу 22.9 КаАП РБ (незаконны выраб і (або) распаўсюд прадукцыі сродкаў масавай інфармацыі).

7 сакавіка ў Віцебскім абласным судзе судзьдзя Сьвятлана Іванова разгледзела касацыйную скаргу журналіста Зьмітра Лупача на рашэньне суду Докшыцкага раёну.

Суд Кастрычніцкага раёну Віцебску пакараў віцяблян Віталя Скрыля і Ўладзімера Лунёва штрафамі ў памеры 24 базавых велічынь, прызнаўшы іх вінаватымі ў незаконным вырабе і распаўсюдзе прадукцыі сродкаў масавай інфармацыі (частка 2 арт. 22.9 КаАП РБ).

31 студзеня Віцебскім абласным судом разглядаліся адразу дзьве скаргі незалежных журналістаў – Тацяны Смоткінай і Зьмітра Лупача. У выніку разгляду рашэньні раённых судоў, якія падверглі журналістаў штрафам, пакінутыя бязь зьменаў.

35 базавых велічынь прысудзіў судзьдзя Глыбоцкага райсуду Андрэй Тарасевіч незалежнаму журналісту з Глыбокага Зьмітру Лупачу. Зьмітра судзілі ў новым будынку Глыбоцкага суду, які адкрылі некалькі дзён таму.

На паседжаньні суду ў Віцебску 25 кастрычніка скаргу незалежнага журналіста адхіліла судзьдзя Сьвятлана Іванова. Зьміцер Лупач быў нязгодны з прысудам, які вынес яму судзьдзя Глыбоцкага райсуду Андрэй Тарасевіч 6 кастрычніка.

22 траўня судзьдзя Кастрычніцкага суду Віцебску Алеся Жарыкава прызнала журналіста тэлеканалу «Белсат» вінаватым у вырабе і распаўсюдзе інфармацыі без акрэдытацыі.

Жыхарка Воршы Юлія Малышава вырашыла дапамагчы бяздомным жывёлам, якіх утрымліваюць у мясцовым пункце адлову. Аднак суд вырашыў, што ініцыятыва каральная. Спачатку на дзяўчыну выклікалі міліцыю, потым яе забралі ў пастарунак, а на наступны дзень аштрафавалі больш чым на 200 даляраў.

12 красавіка ў Віцебскім абласным судзе журналістка тэлеканалу Белсат Кацярына Бахвалава і карэспандэнтка Радыё Свабода Галіна Абакунчык спрабавалі абскардзіць рашэньні судзьдзяў суду Аршанскага раёну і гораду Воршы ад 13 сакавіка гэтага году. Прадстаўніцы прэсы былі затрыманыя напярэдадні і аштрафаваныя за асьвятленьне мітынгу і шэсьця недармаедаў у Воршы.