Арыштам на 7 сутак за выказванне меркавання пакараны ў Полацку Генадзь Бердзянёў
У Полацкім судзе 4 лістапада намеснік старшыні суду Уладзімір Бясецкі пакараў на 7 сутак адміністрацыйнага арышту Генадзя Бердзянёва за ўдзел у масавым мерапрыемстве 25 кастрычніка. Генадзь сцвярджаў на судзе, што «выказваў сваё меркаванне індывідуальна, пратэстуючы супраць затрымання мірных грамадзян».
Міколу Качурцу прысудзілі 15 сутак арышту. Ён не затрыманы
Суд Першамайскага раёну Віцебску 5 лістапада пастанавіў пакараць вядомага віцебскага актывіста Міколу Качурца адміністрацыйным арыштам на 15 сутак за ўдзел у вулічным шэсці, якое адбылося 20 верасня. На суд Мікола Качурэц не прыйшоў. Ягоную справу разглядала суддзя Вераніка Барысава.
Вядомага гітарнага майстра Аляксандра Баярына пакаралі за ўдзел у шэсці штрафам
Аляксандр Баярын – вядомы ў Віцебску стваральнік унікальных гітар. 25 кастрычніка ён далучыўся да шэсця грамадзян, якія мірна пратэставалі супраць міліцэйскага гвалту і беззаконня ў краіне. Мужчына прайшоў у калоне ўсяго ад плошчы Леніна да плошчы Свабоды, аднак патрапіў у кадры міліцэйскіх відэаздымак. На яго завялі адміністрацыйную справу, якую 5 лістапада разгледзеў суд Кастрычніцкага раёну.
Пачаўся працэс над 18-гадовай Сафіяй Цярэнцьевай. У справе з'явіўся другі пратакол
18-гадовая віцяблянка Сафія Цярэнцьева 29 кастрычніка зладзіла ў падтрымку рэпрэсаваных студэнтаў адзіночны пікет. У той жа дзень дзяўчына была адлічаная з тэхналагічнага каледжа, яе затрымалі і змясцілі ў СІЗА, дзе правяла трое сутак. 4 лістапада адміністрацыйную справу (ч.3 арт. 23.34 КаАП), заведзеную ў дачыненні Цярэнцьевай, пачаў разглядаць суд Кастрычніцкага раёну Віцебску.
Пенсіянерцы Таццяне Зеляновай вынеслі папярэджанне. Да гэтага быў штраф
Суд Першамайскага раёну Віцебску 2 лістапада вынес папярэджанне 64-гадовай віцяблянцы Таццяне Зеляновай за ўдзел у мірным маршы 30 жніўня (ч.1 арт. 23.34 КаАП). Пенсіянерка назвала на судовым паседжанні выстаўленыя ў дачыненні яе абвінавачанні смеху вартымі.
Таццяну Севярынец аштрафавалі на 810 рублёў за паход на прыём у гарвыканкам
30 кастрычніка Першамайскі суд Віцебску аштрафаваў віцебскую актывістку Таццяну Севярынец на 810 беларускіх рублёў (ч.3 арт. 23.34 КаАП). Суддзя Вераніка Барысава прызнала калектыўны паход у Віцебскі гарвыканкам несанкцыянаваным масавым шэсцем, хаця дэлегацыю з трох чалавек у гарадскім выканаўчым камітэце прынялі.
Без доказаў: выкладчыцу юрыдычнага факультэту ВДУ аштрафавалі на 324 рублі
28 кастрычніка суд Кастрычніцкага раёну Віцебску аштрафаваў выкладчыцу юрыдычнага факультэта ВДУ Святлану Вашэцькову на 12 базавых велічынь па водле арт. 23.34 КаАП. Ніякіх істотных доказаў яе ўдзелу ў мірнай акцыі не было. Справу разглядаў суддзя Уладзімір Царыкаў.
Суд за начны пікет у Лучынаўцы нарэшце завяршыўся. Вынік – 15 базавых Марыі Волкавай
26 кастрычніка суд Віцебскага раёну прызнаў даказаным віну Марыі Волкавай у правядзенні несанкцыянаванага пікетавання 26 верасня ў вёсцы Лучынаўка з 2 да 4 гадзін ночы. Для гэтага суддзі Міхаілу Зубені спатрэбілася тры судовыя паседжанні. Супраць Марыі Волкавай і Андрэя Кулакова было выстаўленае абвінавачанне паводле ч.1 арт. 23.34 КаАП. Справа ў дачыненні да Кулакова была спыненая.
19-гадовую Марыю Амасовіч аштрафавалі на 162 рублі, але пакінулі за кратамі СІЗА
Суд Кастрычніцкага раёну Віцебску аштрафаваў на 6 базавых велічынь 19-гадовую навучэнку каледжу Марыю Амасовіч, якая ад 20 кастрычніка знаходзіцца ў СІЗА. Нягледзячы на такое рашэнне, з ізалятару дзяўчыну не выпусцілі: яе зноў затрымалі па новых пратаколах. Марыя застанецца за кратамі да панядзелка.
Супрацоўніцу «Віцебскаблсаюздруку» аштрафавалі на 648 рублёў за ўдзел у вулічным шэсці
Суд Кастрычніцкага раёну Віцебску 21 кастрычніка пакараў штрафам у памеры 24 базавыя велічыні віцяблянку Наталлю Перунову. Яе прызналі вінаватай ва ўдзеле «у несанкцыянаваных вулічных шэсцях» 6 і 23 верасня. Жанчына працуе на прадпрыемстве «Віцебскаблсаюздрук», прадае газеты ў шапіку, яе заробак у два разы меншы за прысуджаны штраф.