ААНаўскі Камітэт па правах чалавека абавязаў расейскія ўлады не выдаваць Беларусі аршанца Андрэя Рускіх
Зняволены беларус нарадзіўся ў горадзе Орша Віцебскай вобласці. У снежні 2021 года ён пераехаў у Расію. У маі 2022 года беларускія ўлады распачалі супраць Рускіх адразу дзве крымінальныя справы з-за каментароў у сацсетках — аб абразе прэзідэнта Аляксандра Лукашэнкі (арт. 368 КК РБ) і распальванні сацыяльнай варожасці да органаў улады (арт. 130 КК РБ). Улады Беларусі патрабуюць экстрадыцыі палітвязня.
Аршанскага праваабаронцу і журналіста аб'явілі ў міждзяржаўны вышук
Улады пашырылі тэрыторыю крымінальнага вышуку праваабаронцы і рэдактара рэгіянальнага партала horsha.eu Ігара Казмерчака. У пачатку 2022 года ён быў аб'яўлены ў вышук у межах Беларусі. Цяпер жа сілавікі спадзяюцца яго адшукаць у краінах Садружнасці Незалежных Дзяржаў, якія раней уваходзілі СССР.
Пенсіянерку Эму Сцепулёнак асудзілі да 2 гадоў калоніі за абразу чыноўнікаў
Эму Антонаўну абвінавацілі паводле двух артыкулаў Крымінальнага кодэкса: арт. 368 (Абраза Лукашэнкі) і арт. 369 (Абраза прадстаўніка ўлады). Суддзя суда Мёрскага раёна Ірына Яскевіч прызначыла палітзняволенай 2 гады пазбаўлення волі ва ўмовах агульнага рэжыму. Яе ўзялі пад варту ў зале суда. У зняволенні ёй засталося адбыць прыкладна 4 месяцы.
Суду асудзіў на два гады калоніі палітвязня Аляксандра Патапава
У судзе Віцебскага раёна 16 лістапада завяршыўся разгляд крымінальнай справы ў дачыненні да 68-гадовага жыхара в. Хатоля Віцебскага раёна Аляксандра Патапава. Мужчыну абвінавацілі ў абразе прэзідэнта па ч.1 арт. 368 беларускага КК. Суддзя Наталля Траццякова прызнала падсуднага вінаватым і прызначыць яму пакаранне ў выглядзе пазбаўлення волі тэрмінам на 2 гады ва ўмовах агульнага рэжыму.
Расейскі суд дазволіў перадаць мужчыну беларускім уладам, якога падазраюць у абразе Лукашэнкі
Санкт-Пецярбургскі гарадскі суд 9 лістапада прыняў рашэнне задаволіць запыт беларускага боку на экстрадыцыю з Расіі ўраджэнца Оршы псіхолага Андрэя Рускіх. Яго падазраюць у двух злачынствах па так званых «народных крымінальных артыкулах», здейсненых ім на тэрыторыі Беларусі.
У Мёрах судзяць палітзняволеную Эму Сцепулёнак
69-гадовую пенсіянерку, былую настаўніцу беларускай мовы абвінавачваюць паводле двух артыкулаў Крымінальнага кодэксу: арт. 368 (Абраза Лукашэнкі) і арт. 369 (Абраза прадстаўніка ўлады). Справу разбірае суддзя Ірына Яскевіч, працэс ідзе ў закрытым рэжыме.
У Віцебску за абразу кіраўніка дзяржавы будуць судзіць пенсіянера
У судзе Віцебскага раёна 10 лістапада суддзя Наталля Траццякова павінна пачаць разгляд крымінальнай справы ў дачыненні да 68-гадовага жыхара в. Хатоля Віцебскага раёна палітвязня Аляксандра Патапава. Следства і пракуратура сышліся на тым, што Аляксандр здзейсніў злачынную дзею, якая падпадае пад усе прыкметы злачынства, у рамка ч.1 арт. 368 (Абраза Прэзідэнта Рэспублікі Беларусь) КК РБ. Пачатак судовага пасяджэння прызначаны на 14-30, але разгляд справы будзе адбывацца ў закрытым для публікі рэжыме.
Праваабаронцы просяць падтрымаць палітвязня Аляксандра Патапава
Яго вінавацяць па крымінальнай справе за абразу Аляксандра Лукашэнкі (арт.368 Крымінальнага Кодэксу) і з 25-га верасня Аляксандра Патапава ўтрымліваюць у віцебскім СІЗА-2. З перапіскі з палітвязнем стала вядома, што падчас ракетнага абстрэлу ў Кіеве загінула ягоная пляменніца. «Мне горка і балюча за тое, што робіцца ва Украіне, дзе гінуць ні ў чым не вінныя людзі і дзеці. Загінула мая пляменніца, а яе трохгадовая дачка засталася калекай», – напісаў Аляксандр Патапаў.
Праваабаронцы прызналі палітвязнямі яшчэ дваіх жыхароў Віцебшчыны
11 кастрычніка праваабарончая супольнасць зрабіла заяву аб прызнанні палітзняволенымі 11-ці чалавек, у тым ліку палітвязнямі абвешчаны віцяблянін Аляксандр Патаваў і жыхарка Наваполацку Настасся Савуляк. Іх звінавацілі ў абразе Аляксандра Лукашэнкі, і праваабаронцы лічаць пераслед і пазбаўленне волі гэтых асобаў палітычна матываваным, звязаным з мірнай рэалізацыяй выказвання меркавання.
Паўтара гады зняволення – за абразу Лукашэнкі праз тэлефон
Жыхарка Наваполацка Настасся Савуляк патэлефанавала на «гарачую лінію» у міліцыю і выказалася на адрас Аляксандра Лукашэнкі – як палічылі эксперты, «у ненарматыўнай форме». Інцыдэнт здарыўся 26-га красавіка – праз колькі дзён, як жанчына адсвяткавала сваё 37-годдзе. Суд адбыўся толькі цяпер, Настассю Савуляк прызналі вінаватай паводле ч.1 артыкула 368 Крымінальнага Кодэксу.