У Віцебску распачалі крымінальную справу за абразу пракурора
Пракуратура гораду Віцебску распачала крымінальную справу за публічную абразу пракурорскага работніка ў сувязі з выкананнем ім службовых абавязкаў. Гэтыя дзеянні кваліфікаваныя паводле арт. 369 КК («Абраза прадстаўніка ўлады»), паведамляе служба інфармацыі пракуратуры віцебскай вобласці.
Палітвязень Мікалай Чарняўскі не атрымлівае лістоў ад маці
Маці палітвязня Мікалая Чарняўскага, які адбывае пакаранне ў бабруйскай калоніі, расказала «Віцебскай Вясне», што яе лісты не даходзяць да сына. У лісце з калоніі ён паведаміў, што не атрымаў ад яе ніводнага. Напісаў таксама, што яго пазбавілі доўгатэрміновага спаткання.
На мяжы з Літвой затрымалі віцябляніна, якога вінавацяць у абразе камандзіра менскага АМАПу Балабы
36-гадовага жыхара Віцебску Вадзіма Ермаловіча затрымалі 14 красавіка недалёка ад дзяржаўнай мяжы з Літвой. Мужчына знаходзіўся на падпісцы аб нявыездзе. На яго была заведзеная крымінальная справа за абразу прадстаўніка ўлады (арт. 369 КК). Па версіі следства, ён у Тэлеграм-чаце «Vitebsk_Юг» абразіў камандзіра менскага АМАПу палкоўніка Дзмітрыя Балабу.
У Воршы завялі яшчэ адну крымінальную справу за каментары ў сеціве
Крымінальную справу распачалі ў дачыненні 53-гадовай жыхаркі Воршы, якая нібыта размясціла ў «Тэлеграме» публікацыю з «не адпаведнымі рэчаіснасці і ганебнымі звесткамі» пра старшыню адной з выбарчых камісій Віцебску, паведамляе са спасылкай на следчы камітэт партал Orsha.eu.
За абразу міліцыянта ў Instagram – два гады «хіміі»
22 лютага суд Першамайскага раёну прызнаў 30-гадовага віцябляніна вінаватым у абразе прадстаўніка ўлады ў сувязі з выкананнем ім службовых абавязкаў. У выніку бацьку двух дзяцей прысудзілі да двух гадоў «хіміі» за каментар у Instagram, якім нібыта ён абразіў міліцыянта, паведамляюць «Народныя навіны Віцебска».
Дзмітрыя Кулакова з Шуміліна асудзілі на тры з паловай гады «хіміі» за пагрозы і абразу маёра міліцыі
18 снежня суд Шумілінскага раёну вынес рашэнне па крымінальнай справе мясцовага актывіста Дзмітрыя Кулакова. 29-гадовы шумілінец прызнаны вінаватым паводле арт. 364 КК (Пагроза гвалтам у дачыненні да супрацоўніка міліцыі) і арт. 369 КК (Абраза прадстаўніка ўлады). Суддзя Кацярына Унуковіч прысудзіла мужчыне тры з паловай гады абмежавання волі з накіраваннем у папраўчую ўстанову адкрытага тыпу.
Паўтары гады – за «вырадка». За што ў Гарадку асудзілі рабочага Мікалая Чарняўскага
15 снежня суд Гарадоцкага раёну прысудзіў 33-гадоваму Мікалаю Чарняўскаму паўтары гады калоніі агульнага рэжыму за пагрозы і абразу супрацоўніка МУС. Мужчына быў прызнаны вінаватым паводле арт. 369 КК («Абраза прадстаўніка ўлады») і арт. 365 КК («Умяшанне ў дзейнасць супрацоўніка ўнутраных спраў»). Вырак агучыў суддзя Аляксандр Ляшковіч.
Былому кантрактніку ўнутраных войскаў прысудзілі «хімію» за абразу міліцыянта
Суд Віцебскага раёну 11 снежня асудзіў віцябляніна Ягора Карапузава на паўтары гады «хіміі» за слова «тварь», якое мужчына ўжыў у паведамленні ў Тэлеграм-канале «Банда Лукі». Суд палічыў гэта «публічнай абразай прадстаўніка ўлады ў сувязі з выкананнем ім службовых абавязкаў». Пацярпелым аказаўся супрацоўнік Чыгуначнага РАУС Віцебску маёр міліцыі Андрэй Зуеў.
На блогерку «Снимать разрешено» завялі крымінальную справу – за верш у камэнтарах
У дачыненьні да відэаблогеркі Вольгі Жураўскай («Снимать разрешено») распачатая крымінальная справа за публічную абразу прадстаўніка ўлады ў сувязі з выкананьнем ім службовых абавязкаў (арт. 369 КК РБ). Блогерцы пагражае да трох гадоў абмежаваньня волі.
Віцяблянін напісаў гнеўны камэнтар – на яго завялі справу за абразу ўладаў
Мужчына пракамэнтаваў пост у сацсетцы “ВКонтакте” пра тое, што ў Віцебску плянуюць пабудаваць яшчэ адну лядовую пляцоўку і басэйн. У камэнтары вельмі жорстка прайшоўся па асобах віцебскага мэра і “губэрнатара”. Супраць віцябляніна распачалі крымінальную справу за абразу прадстаўніка ўлады (арт. 369 КК), інфармуе прэс-служба УУС Віцебскага аблвыканкаму.