Летась на Мёршчыне было выяўлена 532 парушэнні аховы працы
Там створаная так званая мабільная група з прадстаўнікоў райвыканкама, праваахоўных і кантрольна-наглядных органаў, прафсаюзаў, якая павінна аказваць практычную і метадычную дапамогу наймальнікам у выкананні заканадаўства аб ахове працы. Летась яны 63 разы наведалі арганізацыі і выявілі 532 парушэнні, 12 % якіх ліквідавалі ў рабочым парадку. Большасць з іх не патрабавала значных фінансавых выдаткаў. Іх прычына – неналежны кантроль за выкананнем работнікамі і службовымі асобамі патрабаванняў па ахове працы. Пра гэта паведаміў начальнік упраўлення па працы і сацыяльнай абароне Мёрскага райвыканкама Вячаслаў Бялько.
У Віцебскай вобласці выяўлена больш за 870 парушэнняў у галіне аховы працы падчас месячніка бяспекі
Комплекс мерапрыемстваў праходзіў у перыяд з 27 верасня да 27 кастрычніка, адмысловая камісія засяродзіла ўвагу на стан аховы працы з на прамысловых аб'ектах вобласці. Падчас рэйдаў мабільныя групы выявілі больш за 870 парушэнняў у 100 арганізацыях. Усяго было абследавана 213 аб'ектаў, адпаведна, парушэнні зафіксаваны на кожным другім прадпрыемстве.
“Напляваць на людзей…” У якіх умовах у Віцебску вырабляюць кіёскі “Табакерка”
Шапікі “Табакерка” вырабляе ў Віцебску прадпрыемства “Северстальгрупп”. Цэх знаходзіцца на тэрыторыі заводу “ВІЗАС”, але, як сьцьвярджае адзін зь віцяблян у групе “Витебск | Черный список”, ён зусім не прыдатны для вытворчасьці – людзі працуюць у памяшканьні без ацяпленьня і вэнтыляцыі.
Сёлета на Віцебшчыне 14 работнікаў загінулі праз здарэньні на працы
За 7 месяцаў 2018 году ў Віцебскай вобласьці ў выніку няшчасных выпадкаў на вытворчасьці загінулі 14 чалавек. Цяжкія траўмы на вытворчасьці за гэты ж пэрыяд атрымалі 43 чалавекі.
На Наваполацкай ЦЭЦ з вышкі сарваўся рабочы. Мужчына памёр у шпіталі
Няшчасны выпадак адбыўся ў Наваполацку. 11 лістапада супрацоўнікі сталічнай арганізацыі, якая праводзіла работы на тэрыторыі ЦЭЦ, зваліўся з вышыні і атрымаў цяжкія траўмы. Праз тыдзень мужчына памёр у шпіталі.
Вінаватымі ў сьмерці загінулага на «Нафтане» работніка прызналі службовых асоб
У выніку трэцяга расьсьледаваньня па факце гібелі рабочага вінаватымі прызналі майстра ўчастку і галоўнага інжынэра будаўнічага ўпраўленьня. Да гэтага ў сьмерці абвінавачвалі самога работніка. Паводле рашэньня суду, прадпрыемства абавязанае выплаціць кампэнсацыю родным загінулага.
Жыхарка Віцебску знайшла працу з заробкам у 2 мільёны рублёў і страціла руку
Віцяблянка Вольга Таўпянец знаходзілася ў актыўных пошуках працы. Швачка па адукацыі, яна ўбачыла, што на дрэваапрацоўчым прадпрыемстве «ДэліОст» патрэбныя людзі. Яе ўзялі вучнем сартавальніка драўніны, а неўзабаве паставілі на станок з чатырма піламі. З-за гэтага злашчаснага станка яна і страціла руку.
Шумілінскі раён: Трое рабочых атрымалі траўмы, праваліўшыся скрозь столь на заводзе
16 сакавіка трое рабочых падчас правядзеньня рамонтных работ на тэрыторыі Обальскага керамічнага заводу ў Шумілінскім раёне праваліліся скрозь столь.
Рабочыя наваполацкага «Паліміру» атруціліся парамі сінільнай кіслаты
У цэху № 201 заводу «Палімір» ААТ «Нафтан» з флянцавага злучэньня помпы адбылася ўцечка воднага раствору ацэтанітрілу, які разьліўся на плошчы 1 квадратны мэтар. Падчас спробы самастойна ліквідаваць цечу атручваньне парамі сінільнай кіслаты (уваходзіць у склад рэчыва) атрымалі сьлесар-рамонтнік і старшы майстар цэху. Абодва шпіталізаваныя.
Кошт чалавечага жыцьця – 300 у.а.
Рабочы сёмага цэху ААТ «Полацак-Шкловалакно» памёр на тэрыторыі прадпрыемства. Няшчасьце здарылася 10 лютага. Да пэнсіі работніку заставалася дапрацаваць адзін месяц. Паводле калектыўнай дамовы, у выпадку сьмерці работніка адміністрацыя выплачвае фінансавую дапамогу на пахаваньне ў памеры 20-ці базавых велічынь (цяпер гэта менш за 3 мільёны беларускіх рублёў, або каля 300$) і забясьпечвае транспарт.