У Докшыцах, як і па ўсёй Беларусі, працягваецца мілітарызацыя школьнікаў. Там адбылася сустрэча вучняў дзявятых класаў з сілавікамі на чале з ваенным камісарам раёна пад назвай “І няхай мундзіры розныя, а Радзіма – адна”.

Музычны гурт «Перевал» выступаў у Наваполацку падчас фестываля патрыятычнай і армейскай песні «Синева». Песня «Синева» («Расплескалась синева, расплескалась») лічыцца неафіцыйным гімнам дэсантных войскаў, і падчас фестывалю адзначаліся 50-я ўгодкі яе стварэння. Гурт «Перевал» складаецца з прадстаўнікоў Даўгаўпілсскага цэнтра садружнасці ветэранаў Афганістана (AFGĀŅU VETERĀNU DAUGAVPILS SADRAUDZĪBAS CENTRS "PEREVAL") . На сцэну яго ўдзельнікі выйшлі ў паласатых цяльняшках у блакітных берэтах.

Наваполацкі «Сокал» і полацкі «Рубеж» – гэта так званыя вайскова-патрыятычныя клубы для падлеткаў, створаныя нібыта дзеля падвышэння якасці патрыятычнага выхавання. Віталь Варанковіч, старшы афіцэр па баявой падрыхтоўцы і ідэалагічнай рабоце вайсковай часткі 5530, а па сумяшчальніцтву куратар «Сакала» і «Рубяжа», лічыць, што «працэс далучэння маладога пакалення да патрыятычных каштоўнасцяў ужо апушчаны. Падлеткі навучаюцца найпрасцейшым прыёмам самаабароны і абыходжанню са зброяй». Ён абяцае ўвесну арганізаваць паход для сваіх выхаванцаў, якія «паўдня сядзяць у школе за партамі, а потым яшчэ паўдня сядзяць у тэлефонах». Аднак прычым тут патрыятызм?

Як паведаміў Глыбоцкі райвыканкам праз раённую газету “Веснік Глыбоччыны”, на ўскрайку Глыбокага, у Барку, будуць праводзіцца вучэбныя стрэльбы.

Даўно адышлі ў мінулае камсамольскія вяселлі, калі сямейную ўрачыстасць спрабавалі замяніць чымсьці  больш адпаведным для "будаўнікоў камунізму". Але на Аршанскім мяса-кансервавым камбінаце вырашылі запачаткаваць новую традыцыю ў падобным стылі. Навабранцу Дзмітрыю Малашэўскаму зладзілі праводзіны ў войска з удзелам адміністрацыі прадпрыемства і прадстаўнікамі БРСМ. Мяркуючы па тым, што імпрэза сталася нагодай для артыкула ў абласной газеце,  арганізатары прэтэндуюць на арыгінальнасць і... "галачку" у графе" патрыятычнае выхаванне моладзі".

З 17 жніўня пачалася адпраўка ваеннаабавязаных на навучальныя зборы на падставе рашэння Генеральнага штаба Ўзброеных сіл Беларусі. Толькі з Віцебска вучыцца ваеннай справе прызавуць больш за 100 чалавек. 

Суд Глыбоцкага раёну 12 кастрычніка агучыў вырак 19-гадоваму вайскоўцу тэрміновай службы Аляксандру Караткевічу, які на пачатку красавіка 2021 году на службовым грузавіку з'ехаў з вучэбнага палігону ў Берасцейскай вобласці, каб наведаць маці на Віцебшчыне. Меў пры сабе аўтамат. Суд прызнаў яго вінаватым адразу па пяці артыкулах Крымінальнага кодэксу і прысудзіў да 7 гадоў пазбаўлення волі ў калоніі ўзмоцненага рэжыму.

У Віцебску 5 жніўня ля памятнага знаку вайскоўцам, якія загінулі ў мірны час пры выкананьні службовага абавязку, прайшла імпрэза, прымеркаваная да Дня памяці салдат. Памяць загінулых ушанавалі малітвай і збройным салютам. Бацькі жаўнераў выказваюць шмат прэтэнзіяў на адрас дзяржавы.

Вайскоўцы тэрміновай службы 103-й асобнай гвардзейскай брыгады імя 60-годзьдзя СССР, якая разьмяшчаецца ў Віцебску, у панядзелак 14 траўня ўрачыста адсьвяткавалі сваё звальненьне ў запас.

Галяндзкім журналістам захацелася зьведаць на сабе ўсё тое, з чым даводзіцца сустракацца падчас тэрытарыяльных вучэньняў звычайным людзям у Глыбокім. Да таго ж было цікава зрабіць рэпартаж для газэты: праехаць праз блёк-пост, распытаць у вайскоўцаў пра вучэньні. Як запэўніваў іх Зьміцер Лупач, нічога не атрымаецца. Але калі госьці жадаюць, трэба ж ісьці насустрач і не пакідаць іх у гэтай справе. Паехалі...