Мерапрыемства арганізавала дабрачынная каталіцкая арганізацыя “Карытас” пры парафіі Сьвятой Тройцы. 22 кастрычніка сабраліся людзі з абмежаванымі магчымасьцямі, іх бацькі, апекуны, сацыяльныя работнікі як з Глыбокага, так і з усёй Віцебскай вобласьці (Шаркоўшчына, Ушачы, Лепель, Паставы, Мёры, Браслаў, Луначарскае, Петрунова).

З 13 да 20 кастрычніка ў Глыбокім праходзіла акцыя «У абарону жыцьця». Галоўная мэта акцыі – сфармаваць у моладзі станоўчае стаўленьне да сямейных каштоўнасьцяў.

У Віцебску працягнуцца курсы «Мова нанова». Пры катэдральным касьцёле Езуса Міласэрнага 13 сьнежня адбудуцца першыя заняткі ў новым сэзоне. На занятках будзе разгледжаная тэма «Каляды».

У Менску суд задаволіў скаргу на пратакол ДАІ, раней складзены ў дачыненьні да пробашча касьцёла Сьвятога Антонія ў Віцебску. Ксёндз Вячаслаў Барок быў аштрафаваны 1 ліпеня на каталіцкім фэсьце ў Будславе за незаконную паркоўку. Каля касьцёла была арганізаваная стаянка машын сьвятароў, але віцебскага ксяндза супрацоўнікі ДАІ не прапусьцілі да гэтай стаянкі і аштрафавалі.

Заклапочанасьць з боку ўлады аб кан’юнктуры сярод каталіцкага духавенства ў нашай краіне ў пэўнай ступені можна зразумець – кожная дзяржава дзейнічае згодна са сваім палітычным перакананьнем. Пра гэта заявіў каталіцкі біскуп Віцебскі Алег Буткевіч.

22 студзеня ў катэдральным касьцёле Езуса Міласэрнага ў Віцебску адбылося экумэнічнае набажэнства пад дэвізам гэтага году «Пакліканыя, каб абвяшчаць вялікія справы Пана», падчас якога прадстаўнікі хрысьціянскіх Цэркваў і дэнамінацыяў Віцебску маліліся аб еднасьці хрысьціян.

У Лучаі Пастаўскага раёну маліліся за Беларусь. Там прайшоў фэст з нагоды ўспаміну беларускага пакутніка Андрэя Баболі. “Ён скончыў жыцьцё ў страшэнных пакутах – кажа ксёндз Марат Казлоўскі, - але не адрокся ад сваёй ідэі еднасьці хрысьціян”. За свае перакананьні яго забілі ў Янаве Палескім, зараз горад Іванава Берасьцейскай вобласьці.

У культурна-рэлігійным цэнтры віцебскай парафіі Езуса Міласэрнага пад патранажам пробашча кс. Адама Дынака прайшла вечарына, прысьвечаная роднай мове і некаторым аспэктам яе бытаваньня ў грамадзтве і касьцёле ў сытуацыі моўнага білінгвізму. Пра мову як адмысловы арганізм, здольны гуртаваць ці, наадварот, разьядноўваць людзей, пра варункі існаваньня беларускай мовы ў розныя пэрыяды яе разьвіцьця, сёньняшні ўзровень запатрабаванасьці разважалі падчас імпрэзы людзі розных прафэсіяў, узростаў, веравызнаньняў.

Каля пяцісот пілігрымаў, сьвятароў і манашак з усёй Беларусі зьехаліся ў Росіцу Верхнядзьвінскага раёну, каб ушанаваць памяць загінулых. За часамі нямецкай акупацыі там было спалена 1528 мірных жыхароў разам з двума ксяндзамі – Юрыем Кашырам і Антоніем Ляшчэвічам. Як кажа біскуп Віцебскай дыяцэзіі Алег Буткевіч, Росіца – непрыкметнае, на першы погляд, месца, але мае надзвычайную прыцягальную моц для людзей.

У віцебскім катэдральным касьцёле Езуса Міласэрнага 18 студзеня адбылася вялікая ўрачыстасьць - біскупскае пасьвячэньне. Новым кіраўніком і духоўным пастырам Віцебскай дыяцэзіі з гэтага дня стаў адзін з самых маладых каталіцкіх біскупаў у сьвеце - 41-гадовы Алег Буткевіч, былы пробашч парафіі Сьвятога Антонія Падуанскага ў Віцебску.