Маці асуджаных паводле артыкулу 328 КК (Незаконны абарот наркотыкаў) маліліся сёньня каля муроў СІЗА №2 у Віцебску. Малебен ля турэмных муроў ладзіўся ў межах паломніцкага туру па гарадах Беларусі, у якіх разьмяшчаюцца калёніі і сьледчыя ізалятары.

3 лістапада, у Зьмітраўскую суботу (паводле бізантыйскай традыцыі), сябры грамадзянскай ініцыятывы «Хайсы» наведалі месцы пахаваньняў рэпрэсаваных у ваколіцах Віцебску. Разам з актывістамі імпрэзе памяці ўдзельнічаў і сьвятар.

Камітэт па правах чалавека разгледзеў скаргу віцебскай актывісткі Тацяны Севярынец і прыйшоў да высновы, што беларуская дзяржава парушыла яе правы на свабоду слова і мірныя сходы.

Для ўніятаў Полацку і звычайных месьцічаў стала ўжо завядзёнкай адзначаць Восеньскія Дзяды малітвай ля крыжа, пастаўленага ва ўшанаваньне ахвяраў сталінізму. Але сёлета людзей, што прыйшлі з кветкамі і зьнічкамі на могілкі ў Бельчыцах, на ўскрайку якіх усталяваны памятны крыж, ужо чакалі: побач стаяў цывільны аўтамабіль зь невядомымі ўнутры.

«Гэта адбылося яшчэ ў ліпені, – распавяла старшая памочніца пракурора гораду Віцебску Вольга Каралёва. – Пасьля таго, як хлопчык адмовіўся маліцца, маці схапіла яго за галаву, ударыла аб драўляную парту, потым біла па галаве кнігай і шкляным слоікам. Затым маці паваліла дзіця на падлогу, села на яго, абхапіла за шыю і пачала душыць, пагражаючы забойствам».

Малітва за нявінных ахвяраў масавых расстрэлаў 30-х гадоў XX ст. прайшла 8 лістапада ў лесе каля вёскі Паляі Віцебскага раёну. Увечары моладзь віцебскай каталіцкай парафіі Сьвятога Духа разам з ардынарыем Віцебскай дыяцэзіі Алегам Буткевічам і некалькімі сьвятарамі прыбылі на мэмарыял пад Паляямі, каб ушанаваць памяць тых, хто недалёка ад гэтага месца знайшоў апошні спачынак.

У дзень памінаньня продкаў 2 лістапада ў прыгарадзе Полацку адбылося дзьве памінальныя службы каля памятных крыжоў, усталяваных у паселішчах Струньне і Бельчыца.

У перадпачатку «Славянскага базару» вернікі віцебскай Эвангеліцка-Лютэранскай парафіі Сьвятога Лукаша ўнесьлі сваю лепту ў добраўпарадкаваньне гораду над Дзьвіной. Яны зладзілі талаку, каб абнавіць закладны камень царкоўнага будынку. Талака завяршылася кароткім набажэнствам пад адкрытым небам, прыканцы якога ўсе разам памаліліся за Беларусь, прасьпяваўшы вядомы гімн «Магутны Божа».

Увечары 26 красавіка ў Сьвята-Усьпенскім катэдральным саборы Віцебску прайшоў агульнагарадзкі мітынг-рэквіем, прысьвечаны трыццацігодзьдзю аварыі на Чарнобыльскай АЭС.

У Лучаі Пастаўскага раёну маліліся за Беларусь. Там прайшоў фэст з нагоды ўспаміну беларускага пакутніка Андрэя Баболі. “Ён скончыў жыцьцё ў страшэнных пакутах – кажа ксёндз Марат Казлоўскі, - але не адрокся ад сваёй ідэі еднасьці хрысьціян”. За свае перакананьні яго забілі ў Янаве Палескім, зараз горад Іванава Берасьцейскай вобласьці.