Недзе сто жыхароў Віцебску прыйшлі на сустрэчу з прадстаўнікамі гарвыканкаму, прызначаную на 13 кастрычніка. Сустрэча адбылася ля пляцоўкі ў парку Партызанскай славы, агароджанай дзеля будаўніцтва Сафійскага сабору.

У панядзелак, 10 кастрычніка, грамадзкія актывісты Віцебску цягам гадзіны зьбіралі подпісы ля помніка Караткевічу. Яны выступаюць супраць зьнішчэньня парку, пераносу помніка беларускаму пісьменьніку і зносу гістарычнага будынка музэю Міная Шмырова. Усё гэта адбудзецца, калі будзе рэалізаваны генэральны плян забудовы гораду пры будаўніцтве Паўночнага моста.

Законных падстаў для забароны або пераносу будаўніцтва Сафійскага сабору ў Віцебску, які плянуецца пабудаваць у парку па вуліцы Чэхава, на іншую пляцоўку няма. Пра гэта гаворыцца ў адказе начальніка аддзелу архітэктуры і горадабудаўніцтва Віцебскага гарвыканкаму Андрэя Макеева каардынатару аргкамітэту па стварэньні партыі БХД у Віцебскай вобласьці Тацяне Севярынец.

«Наша Ніва» паведамляла пра спробы вывозіць беларускіх дзяцей у ваенізаваныя лягеры ў Расеі, дзе іх школілі ў тым ліку баевікі «ДНР». Дачыненьне да гэтага мелі псэўдаказацкія структуры. Другая публікацыя «Нашай Нівы» на тую ж тэму датавалася 16 верасьня, калі выявіўся новы кіраўнік «беларускай дэлегацыі» на чарговых дзіцячых зборах пад кіраўніцтвам баевікоў Данбасу. Гэта быў расейскі казак Аляксандар Шаўчэнка.

Ліквідацыя 25 адсоткаў дрэваў у віцебскім парку Партызанскай славы і будаўніцтва на іх месцы праваслаўнай царквы – копіі полацкага Сафійскага сабору 11 стагодзьдзя вымусілі жыхароў вуліц Урыцкага і Чэхава пачаць збор подпісаў пад зваротам да прэзыдэнта ў абарону парку.

Абвешчаны 26 верасьня збор подпісаў супраць зьнішчэньня парку на месцы будаўніцтва нечакана перайшоў у публічную дыскусію. Яна разгарэлася са зьяўленьнем настаяцеля будучага сабору протаіерэя Міхаіла, які вырашыў пажартаваць з крытычна настроенымі месьцічамі.

У траўні ў мэдыях паведамлялася пра адпраўкі беларускіх дзяцей зь Віцебскай вобласьці на трэніроўкі да расейскіх нэанацыстаў, які маюць досьвед вайны на Данбасе. Тады Міністэрства ўнутраных спраў распачало праверку агучаных фактаў, адрэагаваў абвяржэньнем Сынод Беларускага Экзархату РПЦ. Але што ж у выніку сталася з тымі клюбамі?

У Віцебскім мастацкім музэі адкрылася выстава «Венцаносная Сям'я. Шлях Любові», прысьвечаная апошняму цару Расейскай імпэрыі. Экспазыцыя з фатаграфіяў і дакумэнтальных матэрыялаў, паводле вэрсіі арганізатараў, павінна распавесьці пра сьвятых царскіх мучанікаў і пакутнікаў – гасудара Мікалая II Аляксандравіча і яго сям'ю.

Праграма мер па выкананьні пагадненьня аб супрацоўніцтве паміж Рэспублікай Беларусь і Беларускай праваслаўнай царквой у Віцебскай вобласьці на 2016 – 2020 гады была падпісаная ў аблвыканкаме 31 жніўня.

Але замест таго, каб зрабіць рамонт, Аршанскі гарвыканкам зьняў зь сябе адказнасьць за помнік архітэктуры 18-га стагодзьдзя. У 2006 годзе будынак перадалі Віцебскай праваслаўнай епархіі. Новыя гаспадары цягам дзесяці гадоў аніяк ня дбалі ні пра рамонт, ні пра рэстаўрацыю, ні пра кансэрвацыю гістарычнага аб’екту. І толькі некалькі дзён таму зьявіліся прыкметы хоць нейкага клопату: над будынкам пачалі ўзводзіць дах.