Адвэнтысты распавялі віцебчукам пра Каляды
У адрозьненьне ад вернікаў іншых хрысьціянскіх плыняў, адвэнтысты сёмага дня ў сваім календары ня маюць такога сьвята, як Раство. Прынамсі, так яны абвяшчаюць афіцыйна. Карэспандэнт «Віцебскай вясны» спраўдзіў, ці так гэта на практыцы, наведаўся ў адвэнтысцкую царкву і... акунуўся ў атмасфэру каляднага сьвята.
За сьпевы і пропаведзі. У Лепелі жорстка затрымліваюць і штрафуюць баптыстаў
Вернікі міжнароднага саюзу цэркваў эвангельскіх хрысьціян-баптыстаў (МСЦ ЭХБ) у Лепелі церпяць апошнім часам моцны ўціск і перасьлед з боку мясцовых уладаў. Прапаведнікаў затрымліваюць за парушэньне заканадаўства аб масавых мерапрыемствах (арт. 23.34 КаАП РБ) і караюць штрафамі. Баптысты адступаць не зьбіраюцца.
Біскуп Віцебскі Алег Буткевіч паабяцаў малітоўна падтрымаць пратэстантаў зь Лепеля
Падчас перадкаляднай прэс-канфэрэнцыі, якая прайшла 14 сьнежня ў катэдральным касьцёле Езуса Міласэрнага ў Віцебску, журналісты закранулі тэму хрысьціянскай салідарнасьці. Гаворка вялася пра лепельскіх баптыстаў, якія апошнім часам падвяргаюцца моцнаму перасьледу з боку мясцовых уладаў. Біскуп паабяцаў малітоўную падтрымку.
Віцебскія ўлады спрабуюць ціснуць на актывістку БХД праз пастараў царквы
Як стала вядома з вартых даверу крыніц Віцебскага аблвыканкаму, на гутарку ў аддзел па справах рэлігіяў і нацыянальнасьцяў выклікалі біскупа Аб’яднаньня Хрысьціян веры эвангельскай у Віцебскай вобласьці і пастара эвангельскай царквы “Новае жыцьцё”. Прычынай іх запрашэньня ў выканкам стала тое, што сябра царквы “Новае жыцьцё” Алена Шабуня зьяўляецца актывісткай “Беларускай хрысьціянскай дэмакратыі”.
Павал Севярынец: Рэжым шантажуе ЗША
Высяленьнем царквы «Новае жыцьцё» рэжым шантажуе амэрыканскіх пратэстантаў, лічыць палітык. «Спробы выселіць “Новае жыцьцё” незаконныя і антыграмадзкія. Царква набыла кароўнік ў жахлівым стане і зрабіла зь яго выдатны малітоўны будынак. І зараз у яе забіраюць гэта памяшканьне, не прапаноўваючы ніякай годнай кампэнсацыі. Гэта матэрыяльны бок справы, а маральны бок выглядае для дзяржавы яшчэ горш», - сказаў сустаршыня аргкамітэту па стварэньні партыі «Беларуская хрысьціянская дэмакратыя» Павал Севярынец.