Гарадоцкаму апазыцыянэру не даюць прыехаць у Віцебск на Дзень Волі – выклікаюць у нядзелю ў мясцовы РАУС
Сябра партыі БНФ Леанід Аўтухоў атрымаў пад подпіс позву, што мусіць прыйсьці ў Гарадоцкі раённы аддзел унутраных справаў к 11:00 у нядзелю, 25 сакавіка. А пакуль, паводле ягоных словаў, за ім наладжаная сочка, якая трывае ўжо некалькі дзён запар. На думку апазыцыянэра, такім спосабам праваахоўнікі намагаюцца, каб ён ня змог прыехаць у абласны цэнтар на сьвяткаваньне 100-годзьдзя абвяшчэньня незалежнасьці БНР.
"Без БНР не было б і РБ!” Віцебскія актывісты і палітыкі – пра #БНР100
Апазыцыянэр і віцебскі “фарпост свабоды” Барыс Хамайда, каардынатарка аргкамітэту БХД у Віцебску Тацяна Севярынец, сябра рады Руху “За Свабоду” Хрыстафор Жаляпаў, паэт і перакладчык Уладзімер Папковіч ды іншыя расказалі “Віцебскай вясьне”, што азначае асабіста для іх 100-гадовы юбілей Беларускай Народнай Рэспублікі.
Віцебскія праваабаронцы павіншавалі палітвязьняў з Днём Волі
Напярэдадні сьвяткаваньня 100-годзьдзя абвяшчэньня незалежнасьці БНР праваабаронцы Віцебску даслалі віншавальныя паштоўкі палітвязьням Зьмітру Паліенку (папраўчая калёнія № 2, г. Бабруйск) і Міхаілу Жамчужнаму (папраўчая калёнія № 9, г. Горкі). Апроч таго, яны павіншавалі са сьвятам беларускага краязнаўцу Алеся Юркойця (папраўчая калёнія № 3, пас. Віцьба).
Полацкая ЖКГ папоўніць свой бюджэт за кошт маці-адзіночкі
Больш за 2000 рублёў запазычанасьці, якая ўтварылася за тры гады, павінна выплаціць полацкай ЖКГ Тахміна Міхайлава за тое, што работнікі РКЦ няправільна аформілі статус яе кватэры ў 2014 годзе, зрабіўшы памылку ў разьліку. Такое рашэньне вынесла полацкая судзьдзя Аксана Мішута 12 сакавіка. Цяпер рашэньне набыло моц, і з заробку Міхайлавай, які складае каля 400 рублёў, на карысьць ЖКГ будуць утрымліваць 20% паводле выканаўчага ліста.
Віцебскія актывісты атрымалі дазвол на мітынг у Дзень Волі. І адмовіліся ад яго
Прычыну адмовы арганізатары імпрэзы патлумачылі адсутнасьцю ў іх грошай, якія запатрабавалі міліцыянты за паслугі па ахове правапарадку падчас мітынгу.
У Расеі ня выявілі складу злачынства ў зьбіцьці старой, якая ехала да сына ў Віцебск
Расейскія праваахоўнікі адмовілі ў завядзеньні крымінальнай справы за зьбіваньне і рабаваньне 79-гадовай грамадзянкі Ўзбэкістану Нэлы Чаўтаевай праз «адсутнасьць складу злачынства», расказаў Tut.by ейны сын Андрэй Чаўтаеў.
Улады адказалі на заяўку наконт шэсьця 25 сакавіка ў Віцебску
Для ўручэньня афіцыйнага адказу заяўнік масавага мерапрыемства, актывіст Беларускага нацыянальнага кангрэсу Ўладзімер Кійко быў запрошаны ў адміністрацыю Кастрычніцкага раёну.
“Бязь зьменаў…” Віцебскі абласны суд не задаволіў апэляцыю Пятра Іванова
Калегія Віцебскага абласнога суду пакінула бязь зьменаў прысуд суду Кастрычніцкага раёну Віцебску ў дачыненьні да актывіста Пятра Іванова. Судовае паседжаньне, на якім старшыняваў судзьдзя Бондараў, скончылася меней чым праз гадзіну і праходзіла без адваката і прадстаўнікоў другога боку.
Як у Віцебску выбіралі прэзыдэнта Расеі
У Віцебску, як і ў іншых рэгіёнах краіны, 18 сакавіка былі арганізаваныя і праведзеныя выбары прэзыдэнта Расейскай Фэдэрацыі. Узяць у іх удзел маглі грамадзяне РФ, якія ня толькі стала пражываюць на тэрыторыі Беларусі, але і тыя, што прыехалі ў госьці. Акрамя абласнога цэнтру, участкі былі арганізаваныя ў Воршы і Полацку.
Дзяржава ўмешваецца ў дзейнасьць арганізацыі рабочых
Дзяржаўны орган выканаўчай улады прыпыніў з 1 сакавіка апэрацыі па банкаўскім рахунку Свабоднага прафсаюзу работнікаў ААТ «Полацак-Шкловалакно». Прафсаюз падаў скаргу ў пракуратуру, бо лічыць гэта парушэньнем беларускага заканадаўства. «Супрацьдзеяньне дзяржаўных органаў ня можа прыпыніць дзейнасьць свабоднага прафсаюзу», - заяўляюць прафсаюзныя лідэры.