Беспрацоўнага жыхара Аршанскага раёна асудзілі на 15 сутак за «экстрэмісцкія» падпіскі ў Instagram і Telegram
Ягор Маціенка, зарэгістраваны ў садаводчым таварыстве «Аўтамабіліст», быў асуджаны 2 лістапада: суддзя суду горада Оршы і Аршанскага раёну Юлія Вяршыніна прызнала яго вінаватым паводле ч.2 арт.19.11 КаАП РБ (Распаўсюд, выраб, захоўванне, перавозка інфармацыйнай прадукцыі, якая ўтрымлівае заклікі да экстрэмісцкай дзейнасці або прапагандуе такую дзеянасць». Суд вырашыў канфіскаваць у жыхара Аршаншчыны і мабільны тэлефон – як сродак здзяйснення адміністрацыйнага правапарушэння.
Інвестарам прапануюць гектар зямлі ў межах Браслава для арганізацыі вытворчасці. У тым ліку бязвыплатна
Як паведамляе сайт braslav-star.by, у Браслаўскім раёне зараз распрацавана 36 перспектыўных, на думку ўладаў, інвестыцыйных прапаноў. У іх ліку 21 - у сферы турызму, 13 - вытворчасці і 2 - у іншых. Ёсць сярод прапанаваных ініцыятыў і асаблівая - тая, што мае на ўвазе арганізацыю вытворчасці на свабодных плошчах.
У Оршы збіраюцца паставіць новую Дошку гонару. Такую, як у Віцебску – за 67 тысяч даляраў
З гэтай ідэі мясцовая газета вырашыла зрабіць інтрыгу: напісала, што рэдакцыі ўдалося здабыць фотаздымкі праекта і запыталася ў чытачоў, як яны ставяцца да таго, што новую Дошку гонару ўсталююць на цэнтральнай плошчы.
У Глыбокім абмяркоўвалі ролю праўладных палітычных партый і грамадскіх аб’яднанняў у выбарчым працэсе
Чыноўнікі Глыбокага, якія ўваходзяць у так званую каардынацыйную раду грамадскіх аб'яднанняў і палітычных партый Глыбоччыны, зладзілі круглы стол, каб абмеркаваць падрыхтоўку да выбарчай кампаніі, якая хутка мае адбыцца.
За падпіску на «экстрэмісцкія» інфарэсурсы ўлады арыштавалі жыхара Воршы
Суддзя суда Аршанскага раёна Юлія Вяршыніна 9 лістапада за падпіску ў сацыяльнай сетцы на "экстрэмісцкія" інфармацыйныя рэсурсы пастанавіла арыштаваць на 15 сутак прыёмшчыка цягнікоў ст. Орша Ігара Туранскага.
Улады ліквідавалі грамадскую арганізацыю, якая аказвала дапамогу людзям з абмежаванымі магчымасцямі
Рашэннем Віцебскага абласнога суда 24 кастрычніка падверглася прымусовай ліквідацыі Міжнароднае грамадскае аб'яднанне рэабілітацыі падлеткаў, інвалідаў і пажылых людзей "Алмаз". Ініцыятарам такога рашэньня стала кіраўніцтва беларускага Міністэрства юстыцыі.
Пуцін узнагародзіў «Ордэнам Дружбы» аршанца Аляксея Талая, які праводзіў «матывацыйныя сустрэчы і трэнінгі» у расейскіх вайсковых частках
У беларускіх дзяржСМІ шырока асвятлялася дзейнасць Аляксея Талая і ягонага фонду па арганізацыі паездак у Беларусь для «дзяцей Данбаса». Але аказалася, што ў часе вайны ва Ўкраіне ён «правёў больш за сотню матывацыйных сустрэчаў і трэнінгаў у расейскіх вайсковых частках і цэнтрах рэабілітацыі», паведамляе АНТ. Ордэн уручаны Аляксею Талаю "за заслугі ва ўмацаванні дружбы і супрацоўніцтва паміж народамі, плённую дзейнасць па збліжэнні і ўзаемаўзбагачэнні культур нацый і народнасцяў". Указ аб узнагароджанні падпісаў Уладзімір Пуцін.
За «экстрэмізм» у сацсетках улады пакаралі віцебскага доктара арыштам на 30 сутак
Суддзя суда Кастрычніцкага раёна Віцебска Уладзімір Царыкаў 2 лістапада за распаўсюд “экстрэмісцкіх” публікацый у сацыяльнай сетцы паўторна арыштаваў на 15 сутак «Чалавек года Віцебшчыны — 2014», загадчыца аддзялення анестэзіялогіі і рэанімацыі абласной бальніцы Аляксандра Ганчарова. Суддзя суда Віцебскага абласнога суда Святлана Іванова 10 лістапада разгледзела скаргу доктара ў апеляцыйным парадку пакінула яе без задавальнення, а пастанову суда першай інстанцыі без змены.
За 9 месяцаў у Шаркаўшчыне пры дапамозе камісіі па садзейнічанні занятасці насельніцтва было ўладкавана ўсяго 6 чалавек
Шаркаўшчынскія ўлады агучылі ў мясцовай раёнцы “Кліч Радзімы” інфармацыю аб рабоце пастаянна дзеючай камісіі па каардынацыі работы па садзейнічанні занятасці насельніцтва Шаркаўшчынскага раёна за студзень - верасень 2023 года.
Старшыня Віцебскай абласной арганізацыі ЛДПБ: Пасля перарэгістрацыі засталіся толькі партыі, якія ўхваляюць цяперашні дзяржаўны курс
Такі парадак рэчаў Ігара Цеплякова вельмі цешыць. Сваімі думкамі пра ліквідацыю ўсіх апазіцыйных партый і падтрымку праўладных партыйных структур старшыня Віцебскай абласной арганізацыі ЛДПБ падзяліўся з афіцыйнай гарадской газетай «Витьбичи». Ад каго сыходзіла ініцыятыва апублікавання інтэрв“ю, застаецца невядомым, але альтэрнатыўных меркаванняў дзяржСМІ ніколі яшчэ не друкавала і наўрад ці надрукуе ў бліжэйшай будучыні.