Паводле Маркава, пратэсты супраць вынікаў прэзідэнцкіх выбараў у жніўні 2020-га кіраваліся з-за мяжы, што грамадская актыўнасць была спланаванай, і толькі коштам гераічных высілкаў сілавікоў яе ўдалося спыніць і вярнуць краіну да ранейшага жыцця. Кіраўнік структуры дзяржтэлебачання падкрэсліў, што рэпрэсіі супраць грамадскіх актывістаў – гэта неабходная мера для падтрымання стабільнасці ў дзяржаве. Але й падтрымаў апошні пасыл Лукашэнкі пра тое, што ў 2020-м годзе за межы краіны ўцяклі беларусы, якія «памыліліся, а цяпер раскайваюцца», і што «тым, хто не разабраўся ў сітуацыі, трэба дапамагчы».

Асобна Марат Маркаў спыніўся на стаўленні да вайсковых дзеянняў ва Украіне. Паводле ягоных словаў, «расейская спецаперацыя» стала неабходнасцю перад пагрозай нацызму.што менавіта такім чынам да яе павінны ставіцца сапраўдныя беларусы, якія не хочуць, «каб было як ва Украіне». Сталічны лектар выказаў пажаданне, каб па выніках сустрэчы так званы «ідэалагічны аддзел» вёў тлумачальную працу з супрацоўнікамі прадпрыемстваў і ўстановаў Першамайскага раёну.

Таксама ён распавёў пра планы тэлеканалу, якім ён кіруе, і пра перспектывы развіцця сваёй аўтарскай перадачы «Марков. Ничего личного» на канале ОНТ, дзе ён бярэ інтэрв’ю у прадстаўнікоў дзяржапарату і праўладных актывістаў.

Цікава, што сустрэчы з Маратам Маркавым прыходзіла на прадпрыемстве, якім кіруе Вадзім Заранкін – былы старшыня Віцебскага гарвыканкаму, які 30 студзеня 2021 г. быў адпраўлены ў адстаўку. У пратэстных падзеях восені 2020г. бралі ўдзел два ягоных сыны, якіх пакаралі тады адміністрацыйнымі арыштамі.

Феліцыян Красоўскі