У сярэдзіне траўня Марына Адамовіч атрымала адказ адміністрацыі ПК 13 пра тое, што Мікалая Статкевіча змясцілі на паўгода ў адзіночную камеру. У глыбоцкай калоніі зняволены палітык знаходзіцца з канца чэрвеня мінулага года. З таго часу яго рэгулярна змяшчалі ў ШЫЗА – яму выпісалі не менш за 36 спагнанняў.
Палітыка трымаюць за кратамі ўжо больш за 3 гады. 14 снежня 2021г. Мікалаю Статкевічу быў вынесены прысуд: 14 гадоў зняволення ў калоніі асаблівага рэжыму паводле ч. 1 арт. 293 Крымінальнага кодэкса (Арганізацыя масавых беспарадкаў). 4 лістапада 2022 г. МУС уключыла Мікалая Статкевіча ў "Пералік асобаў, датычных да экстрэмісцкай дзейнасці".Гэта адбілася на ўмовах утрымання палітвязня: яго пазбавілі перадач і спатканняў.
Міхась Хмара