Бешанковіцкая раённая камісія па садзеянні занятасці насельніцтва высветліла, што на тэрыторыя раёна зарэгістраваныя 1274 чалавекі, “не занятыя ў эканоміцы”. Але з іх 408 жывуць і працуюць у Расіі, яшчэ 332 чалавекі таксама выехалі за мяжу або іх рэальнае месца знаходжання не вядомае.

Такім чынам, больш як палова спісачнага складу – гэта людзі, якія рэальна не жывуць у Бешанковіцкім раёне. Але лічацца “абузай для грамадства”, паводле яшчэ савецкай тэрміналогіі.

Як у раёне плануюць змагацца з тымі, хто афіцыйна не працаўладкаваны ў Беларусі? Калі гэты тэрмін перавышае два гады, то ім пагражае кантроьны візіт: падатковая і іншыя службы будуць вызначаць маёмаснае становішча “дармаеда” – на што ён жыве, што купляе і гд.

З тымі ж, хто злоўжывае алкаголем і не хоча шукаць сабе працу свядома, будзе разбірацца міліцыя. У яе арсенале дзве галоўныя “выхаваўчыя” меры: прымусовая “добраахвотная” праца па прыбіранні тэрыторыі і так званы “прафілактычныя” гутаркі.

Аксана Зух