Прадстаўніца прафсаюзу дала вычарпальны адказ: суботнік – справа выключна добраахвотная, і кіраўнік не мае права абвясціць вымову ці накласці іншае дысцыпінарнае спагненне за адмову ўзяць удзел у суботніку. Пакараць работніка ён можа толькі за невыкананне або няякаснае выкананне сваіх працоўных абавязкаў. Адказ зразумелы і чаканы, але засталося яшчэ адно пытанне: ці будзе пакараны кіраўнік, які запалохвае падначаленых такімі пагрозамі?

Апошні раённы суботнік у Сенненскім раёне  правялі  зусім нядаўна, 10 верасня: “неабыякавых грамадзян” паслалі добраўпарадкаваць аграгарадок Янова, дзе неўзабаве будуць праводзіцца раённыя “Дажынкі”.

Да таго ў красавіку сенненцы бралі ўдзел у Рэспубліканскім суботніку, у сакавіку – у раённым, і ўсё гэта – пад заклікі раённага кіраўніцтва “рабіць добрыя справы дзеля сваёй малай радзімы”, а па сутнасці – рабіць працу камунальных служб, якія не спраўляюцца са сваімі абавязкамі.

Петр Грышкавец