На думку арганізатараў, працаўладкаванне з'яўляецца «важным компонентом в возврате подучетных лиц в общество и отказе от преступного поведения». Маўляў, каля 80% усіх правапарушэнняў і злачынстваў на тэрыторыі раёна здзейснены беспрацоўнымі. Зварротнай статыстыкі няма. І невядома, ці аналізуюць у міліцыі, наколькі працаўладкаванне паспрыяла таму, што людзі перасталі здзяйсняць незаконныя ўчынкі.

Паводле інфармацыі Аршанскага РАУС, на мерапрыемства сабралі каля 50 чалавек, якія на дадзены момант не маюць працы. Прыйшлі і «замоўнікі» - прадстаўнікі Аршанскай птушкафабрыкі, Арэхаўскага льнозавода і нават хакейнага клуба «Локомотив – Орша» - там шукаюць слесара-сантэхніка, прыбіральшчыкаў памяшканняў, дворніка. А таксама юрысконсульта і трэнера, але наўрад ці тых, хто стаіць на ўліку ў крымінальна-выканаўчай інспекцыі возьмуць на такую пасаду.

Што да птушкафабрыкіі льнозавода, то спісы вакансій на гэтых прадпрыемствах адкрытыя. І каб людзі мелі ахвоту туды ўладкавацца, то зрабілі б гэта і без старонняй дапамогі.

Ларыса Бачкоўская