Тады ў яе сацыяльных сетках былі заўважаны выявы сцяга Украіны і іншыя малюнкі на тэму расейскага вайсковага нападу, а таксама рэпосты з інфармацыйных рэсурсаў, прызнаных «экстрэмісцкімі». Суддзя суду Полацка і Полацкага раёна Яніна Мацулевіч аштрафавала жанчыну агулам на 120 базавых велічынь, што складае 4 440 рублёў, паводле двух артыкулаў: 24.23 КаАП («незаконнае пікетаванне», штраф 3330 рублёў, або 90 базавых велічынь) і 19.11 КаАП (распаўсюд «экстрэмісцкай» інфармацыйнай прадукцыі).
Таццяна Кандрацкая ў той час была ўладальніцай невялікага бізнесу - яна мела некалькі крам кветак і сувеніраў.
Жанчына скончыла юрыдычны факультэт Полацкага дзяржаўнага ўніверсітэту, добра валодае беларускай мовай. У 2020-м годзе яна запісала свае разважанні пра палітычную сітуацыю ў Беларусі напярэдадні прэзідэнцкай выбарчай кампаніі, дзе казала: «Будзе шмат крыві, шмат слёз, але гэты этап трэба прайсці, каб зрабіць якасны віток. Не ўсё так проста, не ўсё так лёгка».
Ігар Бугаёў
Пятніца, 01 Жнівень 2025
У “экстрэмісцкі спіс” на сайце МУС уключылі Таццяну Кандрацкую, прадпрымальніцу з Вушачаў
Са звестак у гэтым спісе вынікае, што 42-гадовую жанчыну асудзілі за “садзеянне экстрэмісцкай дзейнасці” ( чч. 1 і 2 арт 361-4 КК РБ). Справу жанчыны разбіраў Віцебскі абласны суд. Падобна, што яе пакаралі “хатняй хіміяй”, бо на сайце ведамства пазначана “судзімасць не пагашана”. Пад увагу міліцыі Таццяна Кандрацкая трапіла яшчэ ў ў 2023 годзе.
Апублікавана ў
Рознае