Вікторыя Казун, згодна з матэрыяламі адміністрацыйнай справы, распачатай паводле ч.2 арт 19.11 КаАП, мела на сваёй старонцы ў «Одноклассниках» паведамленні аднаго са СМІ, прызнанага «экстрэмісцкім». За гэта суд аштрафаваў яе на 30 базавых велічынь.
Два гады таму Вікторыя Казун была гераіняй артыкула «Как совместить воспитание троих детей и работу помощника лесничего, знает Виктория Казун, которая уже 16 лет трудится в Толочинском лесхозе». Артыкул быў надрукаваны ў абласной газеце «Витебские вести» напярэдадні 8 сакавіка. У ім жанчына распавядае, што рана засталася без маці, скончыла Полацкі дзяржаўны лясны каледж, на працы ў Талачынскім лясгасе пазнаёмілася з будучым мужам, і цяпер у сям“і выхоўваюцца трое дзяцей (16, 9 і 6 гадоў на дадзены момант).
Згодна з рашэннем суду, шматдзетная сям“я мусіць выдаткаваць са свайго невялікага бюджэту 1110 рулёў на пагашэнне штрафу, а таксама суддзя Наталля Барысавец пастанавіла канфіскаваць тэлефон у Вікторыі Казун.
Лявон Каляда