Кагосьці  з іх асудзілі па адміністрацыйных артыкулах за “распаўсюд экстрэмізму ў інтэрнэце” - за “лайкі”,  рэпосты і падпіскі на інтэрнэт-рэсурсы, пазней прызнаныя “экстрэмісцкімі”.  Іншыя асуджаны па крымінальных артыкулах - за абразу Аляксандра Лукашэнкі, садзейнічанне экстрэмісцкій дзейнасці, удзел у пратэстах 2020г.  Магчыма, у суды трапілі і іншыя былыя воіны-інтэрнацыяналісты, але расклады судовых працэсаў і сутнасць разбіральніцтваў хаваюць ад суайчыннікаў. А для бальшыні беларусаў улады ствараюць уражанне, што былыя ўдзельнікі вайны ў Афганістане - сапраўдныя героі.

19 жніўня ў Рэспубліканскі спіс экстрэмісцкіх матэрыялаў уключылі старонкі Караліны Цярэнцьевай у “ВКонтакте” і “Instagram”. Як і чакалася, рашэнне пра прызнанне гэтых старонках “экстрэмісцкай” інфармацыйнай прадукцыяй” прыняў 13 жніўня суд Лёзненскага раёна . Караліне, нягледзячы на яе хадайніцтвы, узяць удзел у судовым разборы не дазволілі.

Запрашэнне Караліна Цярэнцьева атрымала праз  Instagram - дзяўчына яшчэ некалькі год таму была вымушана з’ехаць з Беларусі праз палітычны пераслед.  Паводле тэкста, дасланага актывістцы, можна прасачыць усю “кухню” падрыхтоўкі падобных судовых працэсаў.

Газета “Віцьбічы” надрукавала нтэрв’ю з намеснікам старшыні Віцебскага абласнога суда Ігарам Макарэвічам. У ім вядзецца пра  “гуманізацыю права і яго прымянення” у сувязі са ўступленнем у сілу  Закона Рэспублікі Беларусь ад 17 лютага 2025 г.  № 61-З «Об изменении кодексов по вопросам уголовной ответственности». Намеснік старшыні абласнога суда сцвярджае, што  ”судейский корпус Витебщины активно использует правовые новации проводимой в государстве политики гуманизации уголовного законодательства”, але па статыстычных дадзеных гэтага не відаць.