У Бешанковіцкім раёне праводзяць трэніроўкі так званага народнага апалчэння
Цягам верасня вучэнні “народных апалчэнцаў” праводзяцца ў розных сельсаветах раёна. Іх навучаюць абыходжанню са зброяй і навыкам тактычнай медыцыны. Вучэнні ў Бешанковіцкім раёне з'яўляюцца яркай ілюстрацыяй новага падыходу, які дзяржава апошнія гады актыўна навязвае грамадству, дзе ўся афіцыйная рыторыка будуецца на штучным нагнятанні ваеннай істэрыі і планамерным стварэнні ілюзіі, нібыта краіна знаходзіцца ў суровым варожым атачэнні, і небяспека чакае літаральна за парогам уласнага дома.
Былую выхавацельку дзіцячага сада абвясцілі “экстрэмісткай”
Аксане Марынінай з Мінска праз 10 дзён споўніцца 59 гадоў. Сёння яе імя і прозвішча з’явілася на сайце МУС у пераліку асобаў, “датычных да экстрэмісцкай дзейнасці”. Паводле інфармацыі на сайце ведамства, суд Першамайскага раёна Мінска прызнаў жанчыну вінаватай паводле ч.1 арт.368 КК РБ – за абразу Аляксандра Лукашэнкі і паводле ч. 1 арт. 342 КК РБ – за удзел у “дзеяннях, якія груба парушаюць грамадскі парадак”. Выглядае, што Аксану Марыніну асудзілі да “хатняй хіміі”.
Жыхару Сянна кіраўніцтва пагражала пакараннем за адмову выходзіць на суботнік
Пра гэты выпадак ён распавёў прававому інспектару абласной Федэрацыі прафсаюзаў работнікаў культуры, інфармацыі спорту і турызму падчас прыёму 24 верасня. Пытанне пра суботнікі – невыпадковае. Бо менавіта ў Сенненскім раёне суботнікі абвяшчаюць часцей, чым у іншых рэгіёнах вобласці.
У Віцебску міліцыя пайшла па студэнцкіх інтэрнатах
Супрацоўнікі праводзяць гутаркі перад насельнікамі – навучэнцамі ВНУ і сярэдніх спецыяльных навучальных астановаў. Іх тэматыка разнастайная – ад папярэджанняў пра “заробкі” у тэлефонных махляроў і распаўсюднікаў наркотыкаў да перасцярогаў наконт падпісак на “экстрэмісцкія” інтэрнэт-рэсурсы.
Раённыя газеты Віцебшчыны запусцілі кампанію па абвяржэнні праблем, паказаных у TikTok
Артыкулы пра тое, што Дзяржкантроль правярае “трывожныя сігналы”, заўважаныя ў інтэрнэце, і што іх “существенная часть“ не адпавядае рэчаіснасці, на працягу верасня выйшлі адразу ў некалькіх раённых выданнях.
Віцебскую прарасійскую актывістку Мірсалімаву зноў выклікаюць у міліцыю. Яна мяркуе, што праз «донос местных нациков»
Пра тое, што ёй патэлефанавалі з міліцыі і заўтра мусяць удакладніць час, да якога яна мусіць з’явіцца, Эльвіра Мірсалімава напісала ў сваім Тэлеграм-канале. Прычым не адзін раз, а тройчы за сённяшні дзень. Версію пра «донос местных нациков» яна ніяк не каментуе. Але відавочна мае на ўвазе сваё затрыманне ў 2024 годзе.
Для аршанскіх падлеткаў правялі стрым са зняволенымі віцебскай калоніі
Відэаканферэнцыя была арганізавана аршанскім раённым аддзелам адукацыі для старшакласнікаў 9-ці аршанскіх школ. 174 вучні сядзелі перад маніторамі ў сваіх навучальных установах і глядзелі на быт зняволеных.
Заробак 6 рублёў у месяц, абавязковы прагляд прапагандычцкіх каналаў, холад у ШІЗА. Былы вязень рапавёў пра ўмовы ўтрамання ў наваполацкай ПК-1
“Вясна” паразмаўляла з вязнем, які быў вызвалены з-за кратаў у складзе адной з груп памілаваных і прымусова дэпартаваных. Ён правёў у наваполацкай калоніі некалькі гадоў — спачатку на агульным, а пасля на строгім рэжыме.
Змяншэнне колькасці працаўнікоў, састарэлыя інвестыцыйныя праекты, правалы ў прамысловасці і сельскай гаспадарцы
Belarus Monitoring Center BELPOL прадэманстраваў ліст Віцебскага абласнога Дзяржкантроля, дзе пералічаны хібы рэалізацыі праграмы развіцця рэгіёнаў вобласці на 2026-1030гг. З пералічаных фактаў вынікае, што справаздачы кіраўніцтва Віцебшчыны пра поспехі ў эканоміцы і сельскай гаспадарцы “відавочныя” у такой самай ступені, як паказнік “сярэдняй тэмпературы па бальніцы”.
У Шаркоўшчыне прызналі наяўнасць расейскага нацыяналізму ў Беларусі
Тамтэйшая «раёнка» ад імя мясцовага РАУС надрукавала артыкул «Профилактика вовлечения учащихся в деструктивные формирования”. У ім пералічаны катэгорыі “объединения деструктивной направленности”, да якіх міліцыя аднесла і “экстремистские группировки, которые специализируются в настоящее время по трем основным направлениям: политическое, националистическое и религиозное”.