У Лёзне стварылі вайскова-патрыятычны клуб пры мясцовым РАУС
Не на базе школы, як гэта рабілі раней, а менавіта пры структуры раённай сілавога ведамства. Клуб назвалі "Штурм", а ў "штурмавікі" запісалі 13-14-гадовых падлеткаў - вучняў 7-8-х класаў СШ імя Марыі Акцябрскай.
Дзмітрый Паўлічэнка прыязжаў да полацкіх школьнікаў
У полацкай сярэдняй школе №1 праводзілі ваенна-патрыятычную эстафету "Спецназ" з удзелам каманд са школ рэгіёну. Мерапрыемства адбылося пры падтрымцы Беларускай асацыяцыі ветэранаў падраздзяленняў спецыяльнага прызначэння ўнутраных войскаў МУС "Честь", якую ўзначальвае Дзмітрый Паўлічэнка - былы камандзір спецбрыгады ўнутраных войскаў МУС. Ен вядомы ўдзелам у стварэнні і кіраванні гэтак званых эскадронаў смерці – таемнага ўзброенага фармавання сілавікоў, што ў 1990-х гадах забівала апанентаў Аляксандра Лукашэнкі. За гэта былы камандзір спецназу застаецца ў чорным спісе Еўразвязу і пад санкцыямі ЗША.
У Браслаўскім раёне праваліўся тратуар, якога чакалі некалькі гадоў
Пра неабходнасць ходнікаў уздоўж вуліцы Ленінскай у Браславе мясцовыя жыхары казалі ўжо даўно. У канцы 2023 года нарэшце працы распачаліся. Зрабіць усё хутка не атрымалася: добраўпарадкаванне расцягнулася яшчэ на некалькі год...
У Віцебску распачалі будаўніцтва яшчэ аднаго гандлёвага цэнтра
Гараджане не разумеюць, што адбываецца: навошта яшчэ адзін, калі ўжо больш за 15 год у абласным цэнтры не могуць дабудаваць гандлёвы цэнтр каля аўтавакзала, наяўныя ГЦ стаяць паўпустыя. Адсутнасць цікаўнасці да такіх аб’ектаў тлумачыцца адным: у Віцебскай вобласці самыя нізкія заробкі ў параўнанні з іншымі рэгіёнамі Беларусі.
«Застаўся адзін дзень”. Аршанскую стэлу рыхтавалі ад адкрыцця спешным парадкам
Цяпер гараджане шкадуюць будаўнікоў, якім даводзілася працаваць у аўральным парадку. І выказваюць меркаванні, што ўся наспех зробленая “прыгажосць” будзе не надта трывалай. І канешне, разважаюць, наколькі неабходны гораду яшчэ адзін “ідэалагічны” аб’ект інфраструктуры .
Тэрыторыю былых габрэйскіх могілак у Віцебску забудуюць шматпавярховікамі
Гэтыя могілкі даўно знішчаныя. Доўгі час тэрыторыя на беразе Дзвіны ў раёне праспекта Чарняхоўскага не была забудаваная, і цяпер гарадскія ўлады, не згадваючы гісторыю, абвясцілі яе “пусткай”, якую вырашана запоўніць.
Старонку ў TikTok з назвай "vitebsk.news" унеслі ў Рэспубліканскі спіс экстрэмісцкіх матэрыялаў
На старонцы размешчаны відэаролікі, прысвечаныя падзеям на Віцебшчыне, і гэтыя матэрыялы маюць крытычную накіраванасць - распавядаюць пра крызіс у эканоміцы рэгіёна, розныя парушэнні з боку чыноўнікаў і незадавальненне грамадзян праблемамі на месцах.
Віцябляне па-ранейшаму не ведаюць сваіх дэпутатаў
Гэта засведчыла апытанне, якое правялі праўладныя блогеркі. Жыхары Віцебска казалі пра тое, што да дэпутата можна “звярнуцца з праблемамі”, але ніхто з апытаных – а гэта былі пераважна людзі маладога веку – да іх не звяртаўся. І ніводзін чалавек, да якога звярталіся блогеркі, не змог назваць прозвішча дэпутата, “абранага” падчас апошніх выбараў.
Шаркоўшчынскага актывіста Андрэя Буку заабавязалі самастойна прадаваць арыштаваную маёмасць
акім чынам – атрымаўшы грошы з продажу ноўтбука і смартфона – ен павінны пагасіць адміністрацыйны штраф за мінулагодняе “несанкцыянаванае пікетаванне”. На сваёй старонцы ў Facebook актывіст з Шаркоўшчыны напісаў: “Прыходзілі выканаўцы. Арыштавалі ноўтбук і смартфон. Пакінулі на самастойную рэалізацыю”.
Барыс Хамайда працягвае традыцыю
Ужо не адно дзесяцігоддзе на Дзяды найстарэйшы віцебскі апазіцыянер адведвае могілкі сяброў – прадстаўнікоў дэмакратычнага руху Віцебска. Не забывае адведаць і месца масавых сталінскіх расстрэлаў каля вёскі Паляі, што ў Віцебскім раёне. У розныя гады памінальныя імпрэзы праходзілі па-рознаму: бывалі такімі масавымі, што даводзілася замаўляць аўтобус, каб змясціць усіх ахвотных, а бывалі і такія, як сёлета – калі да Барыса Хамайды далучаліся ўсяго 1-2 чалавекі.