Вядучы праграмы   “Вести не молчат” прызнаў, YouTube найбуйнейшай відэаплатформай з самым разнастайным кантэнтам. “Але дзе страхоўка, што заўтра або праз месяц ці год адтуль увогуле не выдаляць увесь беларускі кантэнт?” – задае Міхайлаў рытарычнае пытанне. Паводле яго меркавання, альтэрнатыва YouTube  ужо створана – гэта партал Videobel.by, дзе “сабраны ўвесь мультымедыйны кантэнт вядучых беларускіх СМІ”. І прача гэтага, машляў, беларусам нічога і не патрэбна.

Таму дзяржпрапагандыст  прапануе “зрабіць першы крок самім і заблакаваць YouTube у Беларусі”. Ён лічыць, што такім чынам  можна лёгка “перакрыць кісларод” усім “змагарскім журналістам”, якія “піляць гранты” менавіта на гэтым відэахостынгу.

Цікава, што  кропку гледжання Святаслава Міхайлава абсалютна не падзяляе яшчэ адна мясцовая прапагандыстка – рэдактарка газеты «Витьбичи» Дзіяна Курыла. На яе думку, блакіроўка БелТА, СТБ і АНТ  - гэта “свидетельство силы белорусской журналистики”. І што  “аудитория  белорусских государственных каналов после блокировки только вырастет, ведь люди хотят знать правду”.

Праўда, заблакаваныя дзяржаўныя каналы аптымізму спадарыні рэдактаркі не падзяляюць і беспрэцэдэнтнага росту аўдыторыі не чакаюць. Больш за тое: беларускі тэлеканал СТВ ужо запусціў новы YouTube-канал замест выдаленага.

Аляксей Марозаў