Сябры назіральнай камісіі вывучылі ўмовы ўтрымання асуджаных у віцебскіх папраўчых установах адкрытага тыпу
Тры члены Віцебскай абласной грамадскай наглядальнай камісія пры галоўным упраўленні юстыцыі аблвыканкама наведала 19 красавіка дзве папраўчыя ўстановы адкрытага тыпу, размешчаныя ў Віцебску. У ВУАТ №9 адбываюць пакаранне 14 палітвязняў, у ВУАТ №10 ёсць як мінімум адзін зняволены па палітычных матывах. Грамадскія інспектары азнаёміліся з арганізацыяй побыту асуджаных, іх вольным часам, медыка-санітарнага забеспячэння. Скаргі ад зняволеных на ўмовы ўтрымання членамі камісіі не былі зафіксаваны.
Палітзняволеную Аксану Ючкавіч, ураджэнку Докшыччыны, будуць судзіць пасля трох месяцаў у СІЗА
34-гадовую дзяўчыну вінавацяць паводле крымінальнага артыкула 342 ст. (Арганізацыя і падрыхтоўка дзеянняў, якія груба парушаюць грамадскі парадак, або ўдзел у іх). Яе затрымалі сёлета 23-га студзеня ў Мінску, суд распачнецца 26 красавіка ў мінскім судзе Фрунзенскага раёна. «Ёй пагражае да трох гадоў калоніі, але ёсць вялікая надзея, што выпусцяць на "хатнюю хімію"», -- напісаў у Фэйсбуку зямляк дзяўчыны, краязнаўца Кастусь Шыталь.
У праваабаронцы Алеся Бяляцкага ў зняволенні пагаршаецца стан здароўя
61-гадовы беларускі палітзняволены лаўрэат Нобелеўскай прэміі міру Алесь Бяляцкі ўтрымліваецца за кратамі ўжо 1000 дзён. Жонка палітвязня Наталля Пінчук распавяла Associated Press, што апошнія паўгода Бяляцкі знаходзіцца ў адзіночнай камеры, нягледзячы на свае хранічныя захворванні.
У сакавіку «экстрэмісцкі спіс» МУС папоўніўся яшчэ двума жыхарамі Віцебшчыны
Туды трапілі палітзняволены Уладзімір Лісіца, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады) і 45-гадовая жыхарка Віцебска Валерыя Іванова, асуджаная паводле таго д крымінальнага артыкула. Звестак пра справу жынчыны ў адкрытых крыніцах няма: вядома толькі, што 6 снежня мінулага года яе судзілі ў Кастрычніцкім райсудзе Віцебска, і што сёлета 1 сакавіка Віцебскі абласны суд разбіраў яе апеляцыйную скаргу. Выглядае, што там падтрымалі рашэнне суда першай інстанцыі: у «экстрэмісцкі спіс» людзей звычайна дадаюць пасля таго, як прысуд уступіў у законную сілу.
Як і чым палітвязняў караюць у беларускіх калоніях
Кожны дзень некалькі соцен палітзняволеных сутыкаюцца з адвольнымі пазбаўленнямі перадач, спатканняў і званкоў. Некаторых з іх працягваюць змяшчаць у ШІЗА, ПКТ і карцары. Таму распавядаем, якія абмежаванні ўжываюцца ўладамі ў адносінах да палітычных вязняў, каб пагоршыць ім умовы ўтрымання.
Улады спагналі з палітвязня страхавую выплату
Суддзя суда Першамайскага раёна Віцебска Антаніна Сірата 17 студзеня пастанавіла спагнаць з вязня магілёўскай турмы №4 Алега Яфрэменка ў рэспубліканскі бюджэт кампенсацыю страхавой выплаты ў памеры 135 рублёў. Такую суму УУС Вітаблвыканкама выплаціла работніку міліцыі, які атрымаў траўму ад палітвязня падчас масавых беспарадкаў у 2020 годзе ў абласным цэнтры. Ні прадстаўнік УУС, ні адказнік Яфіменка, у судовым паседжанні не прысутнічалі.
Палітвязнем прызнаны Андрэй Шмай – былы супрацоўнік віцебскага аблвыканкама, якога вінавацяць у шпіянажы і агентурнай дзейнасці
Якраз гэтымі днямі справу затрыманага 19 студзеня 2023г. грамадзяніна Украіны Андрэя Шмая разглядае Віцебскі абласны суд. Працэс распачаўся 15 лютага, суддзя — Яўген Буруноў. Супраць Андрэя Шмая выстаўлена абвінавачанне па двух цяжкіх артыкулах Крымінальнага кодэкса: арт. 358 (шпіянаж) і арт. 358-1 (агентурная дзейнасць). Працэс праходзіць у закрытым рэжыме.
Беларускія ўлады парушылі правы палітвязня Віктара Бабарыкі
Да такой высновы прыйшоў Камітэт ААН па правах чалавека, які апублікаваў 24 студзеня 2024 года свае меркаванні на скаргу № 3788/2020 палітвязня наваполацкай калоніі №1. На думку сябраў камітэта, беларускія ўлады адносна Бабарыкі зрабілі адвольнае затрыманне і арышт, а таксама ён быў абмежаваны ў арганізацыі сваёй абароны і яго своечасова не адвязлі да суддзі.
Былы палітвязень Міхаіл Жамчужны расказаў пра сваё апошняе затрыманне
23-24 студзеня па ўсёй Беларусі адбыўся масавы рэйд сілавікоў на сем’і палітвязняў, былых палітвязняў і тых, хто дапамагаў ім. Допыты, ператрусы і затрыманні закранулі не менш за 287 чалавек. Пад гэты пераслед патрапіў і былы палітвязень Міхаіл Жамчужны, які таксама дапамагаў палітвязням. Цяпер ён расказаў пра тое, што перажыў, «Вясне».
Яшчэ двух жыхароў Віцебскай вобласці прызналі палітвязнямі
Паводле заявы прадстаўнікоў беларускай праваабарончай супольнасці ад 29 лютага, палітычнымі зняволенымі прызнаны Уладзімір Лісіца -- жыхар райцэнтра Лёзна, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады), і віцяблянін Дзмітрый Палякоў, асуджаны па тым самым крымінальным артыкуле на паўтара гады зняволення. Праваабаронцы лічаць, што крымінальны пераслед гэтых асобаў – гэта ўціск свабоды меркаванняў.