Віцебскім прадпрымальнікам з «Беларусі» прапануюць месцы ў іншых гандлёвых цэнтрах, якія таксама належаць Віктару Вялюгу. Там таксама ёсць пытанні па бяспецы
18 снежня ў Віцебску прайшла сустрэча гарадскіх уладаў і адкзных службаў з прадпрымальнікамі – арандатарамі месцаў у гандлёвым цэнтры «Беларусь», дзе 13 снежня адбыўся пажар. Падчас мерапрыемства прадпрымальнікі звярнуліся да кіраўніцтва горада, каб ушанаваць 5 іхных калегаў і аднаго з пакупнікоў, якія першымі пачалі выводзіць людзей з ГЦ падчас пажару.
Не рэканструкцыя, а мадэрнізацыя. І мінус 313 дрэваў
Калі верыць абяцанням Віцебскага гарвыканкама, то праз год, у лістападзе 2025 года, на вуліцы Цітова ў абласным цэнтры распачнуцца глабальныя пераўтварэнні. Але не настолькі глабальныя, як чакалася – усё-ткі ўлады вырашылі з'эканоміць на камфорце мясцовых жыхароў. І ўвогуле пытане : ці можна разлічваць на тое, што добраўпарадкаванне дабярэцца да зусім не цэнтральнай вуліцы, калі гарадскі бюджэт, мякка кажучы, небагаты.
Да чаго дайшло! Склізкую сцежку пасыпалі пяском – і ўжо нагода да хвалебнага артыкула ў «раёнцы»
У памкненні выканаць перадвыбарчы загад Аляксандра Лукашэнкі пра выкананне «просьбаў працоўных», мясцовыя ўлады імкнуцца надаць публічнасці кожнай дробнай справе. Якая, дарэчы, у любым выпадку мусіла б быць выкананая, бо гэта чыесьці працоўныя абавязкі... Раённыя газеты наперабой паведамляюць пра падобныя «гучныя поспехі», але бешанковіцкая «Зара», як кажуць, пабіла ўсе рэкорды!
Тры гады калоніі. Стаў вядомы прысуд палітвязню Аляксандру Камлёнку
Паводле звестак у спісе асобаў, «датычных да экстрэмісцкай дзейнасці» на сайце МУС, Аляксандр Камлёнак прызнаны вінаватым паводле ч.1 арт. 368 КК (Абраза прэзідэнта Рэспублікі Беларусь) і ч.1 арт. 361-2 КК( Фінансаванне дзейнасці экстрэмісцкага фармавання). Спачатку мужчыну вінавацілі яшчэ і паводле арт. 369 КК (Абраза прадстаўніка ўлады), але ў канчатковым выраку гэты артыкул ужо не фігуруе.
Лёзненская пракуратура пахвалілася, як змагаецца з «экстрэмісцкімі» інфармацыйнымі рэсурсамі
Паводле Пракурора раёна Аляксея Бузікава, у 2024 годзе раённая пракуратура ініцыявала прызнанне «экстрэмісцкай інфармацыйнай прадукцыяй» чатыры інтэрнэт-рэсурсы. З іх тры – гэта персанальныя старонкі ў сацыяльных сетках. Яшчэ пра адзін рэсурс пракурор проста забыўся.
У Глыбоцкім раёне знайшлі працаўніка ў вясковую краму. Дзяржаўная газета падае гэта як надзвычайную падзею.
Усё пачалося са скргаў: жыхароў вёскі Верхняе не задавальняла закрыццё крамы. Былая гандлярка пайшла на пенсію, і мясцовае кіраўніцтва распарадзілася зачыніць краму. Тавары вяскоўцам два разы на тыдзень прывозіла аўтакрама. Вяскоўцам гэта было нязручна, і яны пачалі скардзіцца ва ўсе інстанцыі.
У Оршы адрамантавалі драўляную лесвіцу і падаюць гэта як вялікае дасягненне
Мясцовыя жыхары гадамі скардзіліся на тое, што старая драўляная лесвіца ў раёне вуліц Флёрава і Сяржантава знаходзіцца ў занядбаным стане. Але напярэдадні прэзідэнцкіх выбараў, калі ўлады ліхаманкава дэманструюць «клопат» пра народ, скаргі раптам пачулі ў Аршанскім райвыканкаме. І аказалася, што праблему можна было даўно вырашыць, літаральна за пару дзён.
Віцебская абласная пракуратура распавяла, за што будуць судзіць «лекара-нацыста» Аляксандра Рандарэнку
17 снежня ў Віцебскім абласным судзе пачынаецца разгляд яго справы, распачатай паводле ч.1 арт.130 - 1 (рэабілітацыя нацызма) арт.130 (распальванне расавай, нацыянальнай, рэлігійнай або іншай варожасці ці варажнечы). Пад увагу сілавікоў Аляксандр Рандарэнка трапіў пасля таго, як яго з сябрам «развялі на шчырасць» у відэа-чаце «Размовы з Палычам».
Згарэлы віцебскі гандлёвы цэнтр «Беларусь», найверагодней, знясуць
Гэтую прапанову агучыў кіраўнік адміністрацыі прэзідэнта Дзмітрый Крутой. Пад яго кіраўніцтвам сёння ў Віцебску праходзіла пасяджэнне штаба па надзвычайным здарэнні, якое адбылося 13 снежня. Прапановы наконт зносу ГЦ часта сустракаюцца і ў абмеркаваннях на віцебскіх пабліках: людзі згадваюць, што «Беларусь» была вельмі нязручным гандлёвым аб'ектам, дзе можна было згубіцца і нармальных умовах, не тое што падчас экстранай эвакуацыі.
Судовы канвеер у Оршы
Паводле звестак аршанскага інфармацыйнага партала, 16 снежня ў горадзе судзілі людзей розных узростаў, у тым ліку і вельмі маладых, якім на выгляд няма 18 гадоў. Працэсы ішлі з раніцы да, як мінімум, 15 гадзін дня. Прычым яны адбываліся не ў будынку суда.