Аднавіць на вучобе адлічаную з Мінскага дзяржаўнага лінгвістычнага універсітэта студэнтку Елізавету Пракопчык заклікаюць аўтары петыцыі, размешчанай на сайце petitions.by.
Па словах Пракопчык, пад час пандэміі COVID-19 яна перастала наведваць заняткі ў сувязі з парушэннем, на яе думку, яе права на ахову жыцця і здароўя падчас адукацыйнага працэсу, гарантуемага любому студэнту згодна дзеючага Кодэкса аб адукацыі Рэспублікі Беларусь, а таксама Правілаў унутранага распарадку МДЛУ. Пропускі заняткаў сталі падставай для вынясення ёй спагнання, а затым і адлічэння з МДЛУ.
“Мы лічым, што дадзенае адлічэнне з'яўляецца несправядлівым, пры гэтым рэктар Мінскага дзяржаўнага лінгвістычнага універсітэта Наталля Баранава, а калі неабходна, то і міністр адукацыі Карпенка, абавязаны аднавіць першую заяўніцу гэтага звароту ў яе правах, адмяніўшы загад рэктара, зыходзячы з неабгрунтаванасці і несправядлівасці накладзенага на яе дысцыплінарнага спагнання,” - паведамляецца ў петыцыі.
Студэнтка сапраўды мела рацыю, калі непакоілася пра стан свайго здароўя і здароўе іншых студэнтаў. Telegram-каналу "Баста!" стала вядома, што заражэнне каранавірусам выяўлена ў чатырох студэнтаў МДЛУ.
"Каранавірус пацверджаны ў чатырох студэнтаў - з перакладчыцкага факультэта і факультэта англійскай мовы. Яны шпіталізаваны. Старасты груп, у якіх яны вучыліся, ужо разаслалі сваім аднагрупнікам паведамленні аб тым, каб яны заставаліся дома і нікуды не выходзілі", - паведаміў Тэлеграм-каналу студэнт МДЛУ.
“Вясна” заклікае кіраўніцтва МДЛУ адмяніць спагнанне Елізавеце Пракопчык і аднавіць яе ў правах студэнткі
Праваабаронцы "Вясны" таксама апавясцілі Спецыяльную дакладчыцу ААН па пытанні аб становішчы ў галіне правоў чалавека ў Беларусі Анаіс Марын аб сітуацыі з выключэннем студэнткі 4-га курса Лізаветы Пракопчык з Мінскага дзяржаўнага лінгвістычнага ўніверсітэта.
Крыніца: Патрабуюць аднавіць на вучобе мінскую студэнтку Елізавету Пракопчык. І вось чаму...