Катэгорыя: Вясна

11.10.2024 Тэгі: смяротнае пакаранне Беларусь адзіная краіна ў Еўропе, дзе захавалася смяротнае пакаранне. У нашай краіне смяротныя прысуды, як правіла, выконваюцца неадкладна, як толькі адмоўлена ў задавальненні просьбы аб памілаванні. Сем'ям ці законным прадстаўнікам асуджаных не паведамляецца дата выканання прысуду і не гарантуецца апошняе спатканне з асуджаным, пасля расстрэлу цела не выдаецца сям'і для пахавання і не паведамляецца месца пахавання. Крымінальны кодэкс Беларусі забараняе ўжываць смяротнае пакаранне асобам, якія ўчынілі злачынствы ва ўзросце да васемнаццацi гадоў, жанчынам і мужчынам, якія дасягнулі шасцідзесяці пяці гадоў.

Катэгорыя: Вясна

11.10.2024 Тэгі: пенітэнцыярная сістэма, карткі, права на здароўе У пенітэнцыярных установах Беларусі (СІЗА, калоніі, турмы, арыштныя дамы) утрымліваюцца дзясяткі тысяч чалавек, каля паўтары тысячы з іх — палітвязні. Умовы і рэжым утрымання ў беларускіх калоніях, СІЗА і турмах самі па сабе з'яўляюцца істотным фактарам рызыкі для здароўя і нават жыцця людзей, якія ўтрымліваюцца ў іх. Беларуская пенітэнцыярная сістэма практычна па ўсіх напрамках (у тым ліку будынкі, іх стан і абсталяванне) не адпавядае сучасным сусветным стандартам. Каманда праваабаронцаў і лекараў распрацавала рэкамендацыі для сваякоў і адвакатаў зняволеных, якія тычацца вядзення перапіскі з адміністрацыяй СІЗА і калоній, накіраваннем зваротаў і заяў з нагоды здароўя зняволеных. Азнаёміцца з дакументам цалкам можна тут, а мы прыводзім яго скарочаную версію.

Катэгорыя: Вясна

11.10.2024 Тэгі: праваабаронцы, АБСЕ Юрыстка ПЦ "Вясна" Святлана Галаўнёва выступіла на канферэнцыі АБСЕ па чалавечым вымярэнні, на секцыі, прысвечанай Маскоўскаму механізму АБСЕ ("Мабілізацыя Маскоўскага механізму АБСЕ для расследавання выпадкаў прымусовага перамяшчэння беларусаў ды іх пераследу за мяжой").

Катэгорыя: Вясна

11.10.2024 Тэгі: умовы ўтрымання, пенітэнцыярная сістэма, гендарныя правы, гісторыі вязняў Актывістку Ірыну Шчасную затрымалі ў лістападзе 2020-га супрацоўнікі, якія былі пераапранутыя ў форму ЖЭС. Гэта адбылося наўпростава ў яе дома. Вярнуцца жанчына змагла толькі ўлетку 2024 года, але застала там толькі сцены, якія стала сведкамі яе затрымання. Праз два дні пасля вызвалення Ірына пакінула Беларусь, каб уз'яднацца з сям'ёй — сынам і мужам. Былая палітзняволеная, якая прабыла за кратамі амаль чатыры гады, цяпер сутыкаецца з новымі выклікамі — ад адаптацыі да новай краіны і адбудовы адносінаў з сынам да псіхалагічнага аднаўлення пасля перанесеных выпрабаванняў. Ірына Шчасная распавяла пра ўмовы ўтрымання ў гомельскай жаночай калоніі № 4 і складанасці рэсаалізацыі пасля вызвалення.

Катэгорыя: Вясна

10.10.2024 Тэгі: суды, свабода мірных сходаў У судзе Ленінскага раёна Брэста 9 кастрычніка асудзілі яшчэ трох чалавек паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушае грамадскі парадак). Цяпер пад суд за ўдзел у акцыі пратэсту 10 жніўня 2020 года патрапілі Сяргей Нічыпарук, Аляксандр Клімашэвіч, Яўген Бычко — усім прызначылі калонію. Крымінальную справу супраць берасцейцаў разглядае Крысціна Папова.

Катэгорыя: Вясна

10.10.2024 Тэгі: грамадства, праваабаронцы, смяротнае пакаранне Асобы: Андрэй Палуда Да Міжнароднага дня супраць смяротнага пакарання, які прыпадае на 10 кастрычніка, "Вясна" паразмаўляла з каардынатарам кампаніі "Праваабарончы супраць смяротнага пакарання ў Беларусі" Андрэем Палудам: пра рэферэндум 30-гадоваай даўніны і “волявыяўленне народа”, пра кейс Рыка Крыгера і памілаваных братоў Косцевых, пра "акты гуманізму" і ці былі яны такімі сапраўды, і пра Аляксандра Таратуту, які чакае вынясення смяротнага прысуду.

Катэгорыя: Вясна

10.10.2024 Тэгі: суды, пераслед, экстрэмізм У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 10 кастрычніка 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.

Катэгорыя: Вясна

10.10.2024 Тэгі: умовы ўтрымання, прымусовая праца, гісторыі вязняў Арцём Мядзведскі Былому палітзняволенаму Арцёму Мядзведскаму за адзін камень, які ён выкаціў на праезную частку пад час масавых акцый пратэсту ў жніўні 2020 года, прысудзілі тры гады абмежавання волі паводле ч. 1 арт. 342 Крымінальнага кодэкса. Прысуд паклаў пачатак няпростым падзеям у жыцці мінскага кухара-сушыста, якія давялося выпрабаваць за час зняволення ў розных СІЗА, у ПУАТ № 45, у калоніі "Воўчыя норы": рабская праца, уцёкі з “хіміі” і штрафныя ізалятары.

Катэгорыя: Вясна

09.10.2024 Тэгі: суды, экстрэмізм У Мінскім гарадскім судзе ў закрытым рэжыме 29 жніўня асудзілі 35-гадовага Алега Вярцінскага. Яго прызналі вінаватым паводле чатырох артыкулаў Крымінальнага кодэкса: ч. 1 арт. 13 ч. 1 арт. 361-3 (падрыхтоўка да ўдзелу на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу); ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці альбо варажнечы); ч. 3 арт. 167 (іншыя дзеянні сэксуальнага характару, учыненых з ужываннем гвалту, у дачыненні да заведама малалетняга); ч. 3 арт. 361 (публічныя заклікі да захопу дзяржаўнай улады, гвалтоўнай змены канстытуцыйнага ладу Беларусі). Праз тое, што ў 2022 годзе мужчыну ўжо асудзілі да 15 гадоў калоніі за ўдзел у пратэстах і згвалтаванне малалетняй, канчаткова яму прызначылі 18 гадоў пазбаўлення волі ва ўмовах строгага рэжыму. Прысуд вынес суддзя Аляксандр Рудэнка.

Катэгорыя: Вясна

09.10.2024 Тэгі: суды, крымінальны пераслед, грамадства, палітвязні, пераслед, ціск, рэпрэсіі, затрыманні, спецвытворчасць У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 9 кастрычніка 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.