З раніцы 11 траўня па ўсёй краіне адбываюцца суды над затрыманымі за выходныя актывістамі і актывісткамі, які выходзілі на "кармленне галубоў" у сваіх гарадах ці сустракаліся з камандай блогера Сяргея Ціханоўскага. У Віцебскай вобласці пад пераслед патрапіла каля 25 чалавек, на якіх міліцыянеры склалі пратаколы за ўдзел у несанкцыянаваных масавых мерапрыемствах.
Полацк
У Полацкім судзе сёння судзяць 12 чалавек па выніках “хапуна” за выходныя. Ніякія пасяджэнні на дошцы ў судзе не пазначаныя. Сваякам сказалі, што суд будзе анлайн: прыходзіць у РАУС праз паўгадзіны за рашэннем суда. Затрыманым не даюць азнаёміцца са справамі і не выклікаюць адвакатаў.
Наваполацк
У Наваполацку павінны адбыцца суды над Аленай Гурчонак і Андрэем Зуевым.
Орша
Каля 30 чалавек сабралося ў будынку суда Аршанскага раёна. Тут сёння судзяць Іллю Ціханава і Андрэева Аляксандра, якіх затрымалі 9 траўня і да суда змясцілі ў ІЧУ.
Прысутных не пускаюць на паседжанні, яны патрабуюць кніг скаргаў і прапаноў, а таксама паклікаць старшыню суда.
Жонка Іллі Ціханава крычыць, што ў яе двое дзяцей дома, а яна не ведае пра лёс мужа.
Выстраілася чарга да кнігі скаргаў, плануюць пакінуць парадка 10 запісаў.
Як паведаміла жонка Аляксандра Андрэева, суддзя Дзмітры Разумовіч асудзіў мужчыну на 10 сутак арышту за адміністрацыйнае правапарушэнне па арт. 23.34 КаАП.
Глыбокае
Раніцай у судзе Глыбоцкага раёна пачаліся суды. Журналіста-фрылансера Дзмітрыя Лупача, які ўтрымліваўся ў ІЧУ ўсе выходныя, абвінавачваюць у супрацы з замежным СМІ без акрэдытацыі (арт. 22.9 КаАП).
На 10 гадзін раніцы позвы ў суд атрымалі Даніла Ермаловіч і Людміла Барэйка, якіх вінавацяць ва ўдзеле ў несанкцыянаваным масавым мерапрыемстве.
Паставы
У судзе Пастаўскага раёна адбудзецца суд над Алегам Новікавым. Ён быў затрыманы 8 траўня і да суда змешчаны ў ІЧУ.
Інфармацыя пра суды будзе ўдакладняцца і дапаўняцца. Калі вас ці вашых знаёмых затрымалі, ці выклікаюць у міліцыю з нагоды ўдзелу ў акцыях пратэсту, просім звяртацца да праваабаронцаў: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. (грамадская прыёмная), маб.: (029) 841 39 81 (грамадская прыёмная), у ты ліку Signal, WhatsApp, Telegram.
Поўны спіс затрыманых прыхільнікаў блогера Ціханоўскага і іншых актывістаў
Крыніца: Суды ў Віцебскім рэгіёне: актывістам даюць суткі Дапоўнена