На ўчастку ў Воршы за адну гадзіну запісалася галасаваць на даму траціна выбаршчыкаў
У Воршы назіральнікаў абмяжоўваюць у магчымасьці сачыць за выбарчым працэсам. Пра такія факты паведаміў Яўген Анішчанка, сябар аргкамітэту па стварэньні партыі БХД, кандыдат у дэпутаты па Будаўнічай акрузе №3 і назіральнік на ўчастку №6 па Маладзёжнай выбарчай акрузе №8.
Віцебскія ўлады спрабуюць ціснуць на актывістку БХД праз пастараў царквы
Як стала вядома з вартых даверу крыніц Віцебскага аблвыканкаму, на гутарку ў аддзел па справах рэлігіяў і нацыянальнасьцяў выклікалі біскупа Аб’яднаньня Хрысьціян веры эвангельскай у Віцебскай вобласьці і пастара эвангельскай царквы “Новае жыцьцё”. Прычынай іх запрашэньня ў выканкам стала тое, што сябра царквы “Новае жыцьцё” Алена Шабуня зьяўляецца актывісткай “Беларускай хрысьціянскай дэмакратыі”.
Віцебскі абласны суд падтрымаў падман грамадзян з боку выбарчай камісіі
Каардынатарка аргкамітэту па стварэньні БХД Тацьцяна Севярынец і актывістка таго ж аргкамітэту Алена Шабуня спрабавалі аспрэчыць нерэгістрацыю іх у якасьці кандыдатаў – давесьці, што выбаршчыкаў падманулі, прымусіўшы прызнаць свае подпісы за вылучэньне апазыцыянэрак несапраўднымі. Суд не заўважыў у падмане нейкага парушэньня.
Жыхары Віцебску: Сябры выбарчых камісіяў нас ашукалі
Жыхары Віцебску, што падпісаліся за вылучэньне кандыдатамі ў дэпутаты актывістаў “Беларускай хрысьціянскай дэмакратыі” Тацьцяны Севярынец і Алены Шабуні, пацьвярджаюць сапраўднасьць сваіх подпісаў, якія ў выбарчай камісіі прызналі нібыта несапраўднымі, і кажуць, што прадстаўнікі выбарчых камісіяў іх ашукалі.
У Мёрах ізноў былі затрыманыя журналісты
У Мёрах 22 лютага былі затрыманыя двое карэспандэнтаў тэлеканалу «Белсат», якія прыехалі ў горад асьвятляць да гэтага часу ня вырашаную праблему адсутнасьці ацяпленьня, паведаміла прэс-служба аргкамітэту па стварэньні партыі «Беларуская хрысьціянская дэмакратыя» (БХД). Прозьвішчы журналістаў не называюцца.
Жыхары Мёраў абураюцца вайсковымі вучэньнямі
У Мёрах працягваюцца вайсковыя вучэньні. Дзеля іх правядзеньня вайскоўцам былі аддадзеныя спартовая школа і стадыён, на якіх усталявалі блёкпосты, у выніку чаго жыхары гораду ня могуць займацца спортам. Гэта выклікае вялікае незадавальненьне ў жыхароў Мёраў, кажа каардынатар аргкамітэту па стварэньні партыі «Беларуская хрысьціянская дэмакратыя» Багуслаў Мацук.
У Віцебску зьбіраліся хрысьціянскія дэмакраты
У Віцебску адбылася абласная рада аргкамітэту па стварэньні партыі “Беларуская хрысьціянская дэмакратыя”, на якой прысутнічалі больш за 40 чалавек з Віцебску, Воршы, Полацку, Наваполацку, Глыбокага, Браслава, Бешанковічаў, Сянна, Аршанскага і Віцебскага раёнаў, а таксама сустаршыні БХД Павал Севярынец і Віталь Рымашэўскі. Падчас сустрэчы было абмеркаванае становішча ў Беларусі, адзінства апазыцыі і абраньне адзінага кандыдата, мясцовая кампанія, патрэба маральнай рэвалюцыі ў Беларусі. Апроч таго, адбыўся ўстаноўчы сход грамадзкага аб’яднаньня “Хрысьціянскія дэмакраты Віцебшчыны”.
У Воршы забаранілі пікет за рамонт аварыйнага мосту
Аршанскія актывісты атрымалі адказы на заяўку на правядзеньне пікету за рамонт аварыйнага мосту. У адказах гаворыцца, што гарвыканкам не дазволіў пікет, бо не была атрыманая згода ад міліцыі і паліклінікі на ахову мерапрыемства. А міліцыя і паліклініка не пагадзіліся ахоўваць пікет, бо ня быў атрыманы дазвол з гарвыканкаму. Як адзначыў каардынатар аргкамітэту па стварэньні партыі “Беларуская хрысьціянская дэмакратыя” ў Воршы Яўген Анішчанка, які больш за два гады змагаецца за рамонт аварыйнага мосту, ён мае намер падаць скаргі на забарону пікету ў суд.
Павал Севярынец: ЭЗ ня ведае, што рабіць з Лукашэнкам
Сустаршыня БХД Павал Севярынец камэнтуе апошняе рашэньне Эўразьвязу пра карэктоўку “чорных сьпісаў”: “Рашэньне Эўразьвязу адкрыта слабое. Гэта сьведчыць пра тое, што Эўразьвяз дагэтуль ня мае стратэгіі ў адносінах да Беларусі і ня ведае, што рабіць зь беларускім рэжымам. Безумоўна, гэтае рашэньне не спрыяе дэмакратызацыі нашай краіны. Аднак адказнасьць за беларускую сытуацыю ляжыць на нас, на беларусах. Мы ня можам загадваць эўрапейцам, што рабіць, а чаго не рабіць, мы можа толькі ацэньваць эфэктыўнасьць тых ці іншых крокаў”.
Павал Севярынец узяў удзел ва ўсталяваньні крыжоў у Курапатах
У Курапатах усталявалі 8 новых крыжоў. Яны зьявіліся з таго боку Менскай кальцавой дарогі, дзе раней крыжоў не было. Актывісты аргкамітэту БХД паставілі крыжы 27 кастрычніка пасьля паседжаньня Нацыянальнай рады. На ім хрысьціянскія дэмакраты абмяркоўвалі свой удзел у будучых выбарчых кампаніях. Упершыню пасьля 2010 году паседжаньне вёў Павал Севярынец.