За распаўсюджванне «экстрэмізму» ў сацсетках ўлады арыштавалі жыхарку Наваполацка
Суддзя суда Наваполацка Зінаіда Балаболава 7 верасня за распаўсюджванне ў відэахостынгу і сацыяльнай сетцы інфармацыі «экстрэмісцкага» зместу пакарала арыштам на 15 сутак працаўніцу завода «Палімір» Алену Марцанюк.
Супрацоўнікам «Нафтана», затрыманым падчас «хапуну» 17 кастрычніка, прысудзілі арышты
Стала вядома, што справы прынамсі трох затрыманых разбірала 18 кастрычніка «знакамітая» суддзя Наваполацкага гарадскога суда Зінаіда Балаболава. Напярэдадні некалькі чалавек трапілі пад міліцэйскі «хапун» проста на прахадной, допіс пра гэта 17 кастрычніка размясціў адзін з прыватных Тэлеграм-каналаў, які сочыць за навінамі «Нафтана». Колькасць затрыманых там не была ўказана, але на сённяшні дзень вядома прынамсі пра трох пакараных арыштамі.
За пікет і «экстрэмізм» улады аштрафавалі ксяндза з Новалукомля
Суддзя суда Чашніцкага раёна Ганна Смірнова 27 кастрычніка за распаўсюджванне “экстрэмізму” і правядзенне масавага мерапрыемства ў сацыяльнай сетцы пакарала штрафам у памеры 1850 рублёў ксяндза Мікалай Ліпскі, які служыць у касцёле Святой Марыі Магдалены ў Навалукомлі Чашніцкага раёна.
За распаўсюд «экстрэмізму» ўлады арыштавалі працаўніка наваполацкага «Паліміра»
Суддзя суда Наваполацка Зінаіда Балаболава 7 верасня за распаўсюджванне «экстрэмізму» ў сацыяльных сетках пастанавіла арыштаваць на 15 сутак удзельніка валанцёрскага атрада «Сэрца Паліміра» работніка аддзела КИПиА гэтага прадпрыемства Юрыя Лінкевіча.
За праяву «экстрэмізму» ў сацыяльных сетках улады чатыры разы запар арыштавалі жыхара Оршы
Суддзя суда Аршанскага раёна і Оршы Святлана Кузьмічонак за падпіскі на «экстрэмісцкія» інфармацыйны рэсурсы ў сацыяльных сетках арыштавала на 15 сутак Сяргея Вальковіча. Гэта чацвёрты арышт былога работніка міліцыі запар. Сумарны тэрмін арыштаў ужо дасягнуў 37 сутак.
Віцяблянка Людміла Камінская сустрэла сваё 60-годдзе закратамі
19 кастрычніка жанчыну выклікаў на размову супрацоўнік Кастрычніцкага РАУС Віцебска Уладзіслаў Шышкавец. У выніку аб 11-й гадзіне на жанчыну склалі пратакол «за распаўсюд экстрэмісцкай інфармацыі» (па ч. 2 арт. 19.11 КаАП) — на яе старонках у сацсетках знайшлі спасылкі амаль трохгадовай даўніны на інфармацыйныя рэсурсы, якія цяпер прызнаныя «экстрэмісцкімі». Аднак у суд Людмілу Камінскую не накіравалі ні ў той самы дзень, ні на наступны. Пасля ночы ў ізалятары часовага ўтрымання яе зноў прывезлі ў райаддзел міліцыі і склалі яшчэ адзін пратакол па тым самым артыкуле.
За «экстрэмізм» у сацыяльнай сетцы ўлады пакаралі арыштам жыхарку Наваполацка
Суддзя суда Наваполацка Зінаіда Балаболава 7 верасня за захоўванне ў сацыяльнай сетцы спасылку на «экстрэмісцкі» інфармацыйны канал пастанавіла арыштаваць на 15 сутак інжынер-канструктара завода «Палімір» Ірыну Баранаву.
За пікет і «экстрэмізм» у сацсетках улады арыштавалі жыхара Наваполацка
Суддзя суда Наваполацка Зінаіда Балаболава 11 кастрычніка за праявы «экстрэмізму» і правядзенне недазволенага пікету ў сацыяльнай сетцы пакарала арыштам на 30 сутак кіроўцы далёкіх рэйсаў навапалачаніна Дзмітрыя Тарбеева.
У Лепелі звольнілі цэлую сям’ю «за прагулы»: маці, бацька і сын трапілі «на суткі»
Без трэнераў па дзюдо і самба засталіся выхаванцы лепельскага філіялу Віцебскай абласной цэнтральнай школы алімпійскага рэзерву «Богатырь».У Instagram yа старонцы спартовай школы напісана наўпрост: “Усе трэнеры па самба і дзюдо звольнены з 18.10.2023, бо не выходзілі на працу 10 сутак, знаходзячыся ў ІЧУ (ізалятар часовага ўтрымання) за падпіску ў Facebook на інфармацыйныя рэсурсы, якія з 2021г. прызнаны экстрэмісцкімі – ч.2 арт.19.11 КаАП». Такім чынам адміністрацыя ўстановы перакрэсліла ўсе заслугі сям“і Паповых, якая заснавала ўласную школу самба і дзюдо ў Лепелі і ўзгадавала чэмпіёна свету па самба - знакамітага беларускага спартоўца Сцяпана Папова.
За «падпіскі на «экстрэмісцкія» інфарэсурсы ўлады арыштавалі працоўнага
Суддзя суда Наваполацка Зінаіда Балаболава 7 верасня за распаўсюд «экстрэмісцкіх матэрыялаў» у сацыяльных медыя пакарала арыштам на 15 сутак апаратчыка цэха 103 завода «Палімір» Андрэя Шкірэнку.