Судовы разбор паводле адміністрацыйнай справы чакае віцебскага апазыцыянэра за публічнае выражэньне сваёй любові да беларушчыны. На імпрэзу, прысьвечаную 86-й гадавіне Ўладзімера Караткевіча, ён прыйшоў з нацыянальным беларускім сьцягам, што зь меркаваньня праваахоўнікаў ёсьць парушэньнем заканадаўства.

Выпадак здарыўся ў Полацку. Міліцэйская машына прыпаркавалася каля крамы на стаянцы, прызначанай для кіроўцаў з абмежаванымі магчымасьцямі. Грамадзянін, што праходзіў побач, зрабіў заўвагу кіроўцу і сфатаграфаваў міліцэйскі УАЗ на стаянцы для аўтамабіляў з апазнавальным знакам «інвалід». Пасьля чаго грамадзянін быў затрыманы і дастаўлены ў пастарунак міліцыі.

Стваральнік найпрыгажэйшага ў Віцебску аздабленьня пад'езду Вадзім Кузьмін павінен уласнымі рукамі зьнішчыць плён сваёй працы. Зрабіць гэта ад яго патрабуюць пажарнікі.

11 лістапада ў судзе Першамайскага раёну Віцебску аднавіўся працэс па справе былога намесьніка начальніка ўпраўленьня ДАІ УУС Віцебскага аблвыканкаму Аляксандра Самуля, які абвінавачваецца ў атрыманьні хабару і перавышэньні службовых паўнамоцтваў.

У народзе рэстарацыю "Стары замак" называюць "Гарышча" ці "На гарышчы". Народная назва зьвязаная зь месцам разьмяшчэньня рэстарацыі – на верхнім паверсе вакзалу. Двое журналістаў кампаніі "Наш дом", якія распачалі праграму "За граньню", зайшлі ў рэстаран "Стары замак" на Аршанскім вакзале...

Суд над Віталём Паўлавым, актывістам партыі БНФ, распачаўся 12 кастрычніка. Спадара Паўлава абвінавачваюць у дробным хуліганстве паводле падзеяў 11 верасьня, асноўнага дня галасаваньня ў часе мінулай выбарчай кампаніі, калі ён прысутнічаў на выбарчым участку ў якасьці назіральніка.

Днём у панядзелак, 12 верасьня, Віталь Паўлаў, які за дзень да гэтага быў назіральнікам у школе №5 Воршы, быў затрыманы, быццам бы за тое, што нецэнзурна лаяўся на выбарчым участку.

Папярэджаньне вынесла камісія Кастрычніцкай выбарчай акругі № 20 на падставе матэрыялаў праверкі, праведзенай Кастрычніцкім райаддзелам міліцыі Віцебску.

З такой аргумэнтацыяй міліцыянтаў сутыкнуліся Алена Шабуня, Тацяна Севярынец і Георгі Станкевіч, якіх абвінавачваюць у несанкцыянаваным пікетаваньні. Актывісты ж настойваюць, што праводзілі пікет па зборы подпісаў.

Невядомыя асобы, якія хочуць дыскрэдытаваць дэмакратычных актывістаў, выкарыстоўваюць фота- і відэаматэрыялы з інтэрнэту. У выніку ў сацыяльнай сетцы “Вконтакте” зьявіліся відэаролікі зь пікетаў Тацяны Севярынец, Алены Шабуні і Георгія Станкевіча, але з зусім іншым гукавым шэрагам. Актывісты мяркуюць, што падчас падрыхтоўкі ролікаў маглі быць выкарыстаныя відэазапісы, зробленыя міліцэйскімі апэратарамі.