Віцебскія актывісты атрымалі дазвол на мітынг у Дзень Волі. І адмовіліся ад яго
Прычыну адмовы арганізатары імпрэзы патлумачылі адсутнасьцю ў іх грошай, якія запатрабавалі міліцыянты за паслугі па ахове правапарадку падчас мітынгу.
ГУГЛ не адказаў на запыт Полацкаму РАУС
Полацкі РАУС разгледзеў заяву жыхара Полацку Міколы Шараха, які паскардзіўся на стварэньне фальшывага электроннага адрасу ад яго імя з выкарыстаньнем ягоных асабістых дадзеных і рассыланьне з гэтага адрасу лістоў паклёпніцкага зьместу ў розныя дзяржорганы і СМІ.
Да Кастуся Шыталя прыйшла міліцыя браць паказаньні супраць калегі-журналіста
Да блогера і грамадзкага актывіста з Параф’янава Докшыцкага раёну Кастуся Шыталя 7 сьнежня наведалася міліцыя. Капітан міліцыі з Докшыцкага РАУС зьбіраў зьвесткі наконт незалежнага журналіста з Глыбокага Зьмітра Лупача.
Глыбоцкага журналіста аштрафавалі на 805 рублёў
35 базавых велічынь прысудзіў судзьдзя Глыбоцкага райсуду Андрэй Тарасевіч незалежнаму журналісту з Глыбокага Зьмітру Лупачу. Зьмітра судзілі ў новым будынку Глыбоцкага суду, які адкрылі некалькі дзён таму.
Ідэоляг абразіўся на прафсаюз
У кастрычніку полацкую міліцыю зноў зацікавілі асобы мясцовых лідэраў Свабоднага прафсаюзу Беларускага Віктара Стукава і Мікалая Шараха. Іх па чарзе настойліва пачалі запрашаць на гутарку ў РАУС. Праз хваробу Стукаў не пайшоў, а Шарах схадзіў, каб даведацца прычыну. Высьветлілася, што на іх паскардзіўся намесьнік дырэктара па ідэалёгіі Полацкага аб'яднаньня «Шкловалакно» Андрэй Кузьмін.
Віцебскі абласны суд адхіліў касацыйную скаргу журналіста з Глыбокага
На паседжаньні суду ў Віцебску 25 кастрычніка скаргу незалежнага журналіста адхіліла судзьдзя Сьвятлана Іванова. Зьміцер Лупач быў нязгодны з прысудам, які вынес яму судзьдзя Глыбоцкага райсуду Андрэй Тарасевіч 6 кастрычніка.
Кастрычніцкі суд Віцебску спыніў адміністрацыйную справу супраць доктара Пастнова
Віцебскага доктара-праўдаруба Ігара Пастнова абвінавачвалі ў непадпарадкаваньні супрацоўніку міліцыі (арт. 23.4 КаАП РБ) падчас інцыдэнту 4 верасьня, калі Пастнова гвалтам вывезьлі з будынку сьледчага камітэту на псыхіятрычную экспэртызу ў Навінкі. 15 верасьня судзьдзя Кастрычніцкага раёну Віцебску Ільля Белавус вынес рашэньне скасаваць справу. Падстава – адсутнасьць складу правапарушэньня.
Хлопцы зь Віцебску, якія абвінавацілі АМАП у зьбіцьці, аштрафаваныя
Хлопцы, якія абвінавацілі віцебскі АМАП у зьбіцьці, атрымалі штрафы ад 5 да 15 базавых велічынь. Такое рашэньне вынес 24 жніўня суд Першамайскага раёну абласнога цэнтру. Працэс па гэтай адміністратыўнай справе пад старшынствам судзьдзі Натальлі Караблінай ішоў зь перапынкамі з 8 жніўня, піша Tut.by.
У Пастаўскім раёне спыненае функцыянаваньне каналу незаконнай міжнароднай міграцыі
Паводле памежнікаў, канал па незаконнай перапраўцы грамадзян Афганістану ў Эўропу празь Беларусь існаваў зь ліпеня бягучага году. Супольную апэрацыю па ліквідацыі каналу праводзілі супрацоўнікі органаў унутраных справаў і памежнага ведамства.
Супраць службовых асобаў Аршанскага райспажыўтаварыства заведзеныя крымінальныя справы
Як паведамілі ў Камітэце дзяржкантролю Віцебскай вобласьці, усяго распачата 13 крымінальных справаў – такі вынік праверкі Аршанскага раённага спажывецкага таварыства, якая ладзілася Аршанскім міжрайкамітэтам КДК супольна зь фінансавай міліцыяй.