А яшчэ асновам вайсковай справы і ўзаемадапамогі. Менавіта так акрэсліў старшыня Наваполацкага гарвыканкама Ігар Бурмістраў функцыі днямі адкрытыга ў горадзе Цэнтра  вайскова-патрыятычнага выхавання і фізічнай культуры дзяцей і моладзі. Цэнтр быў адкрыты ў будынку былога дзіцячага садка, што выдатна ілюструе дзяржаўныя прыярытэты адносна маладога пакалення.

Ужо некалькі год практыкуецца выкарыстанне ў якасці бясплатных дворнікаў тых, хто стаіць на ўліку ў крымінальна-выканаўчай інспекцыі. 118 такіх асобаў прыцягвалі ў Наваполацку да “добраахвотных грамадскіх прац” ажно 64 разы на працягу першых 4-х месяцаў гэтага года. Міліцыя сцвярджае, што прыбіранне смецця пад пагрозай адміністрацыйнага пакарання “станоўча ўплывае на працэс выпраўлення і выхавання”, “матывуе да афіцыйнага працаўладкавання і вяртання да здаровага ладу жыцця”.