“Бязь зьменаў…” Віцебскі абласны суд не задаволіў апэляцыю Пятра Іванова
Калегія Віцебскага абласнога суду пакінула бязь зьменаў прысуд суду Кастрычніцкага раёну Віцебску ў дачыненьні да актывіста Пятра Іванова. Судовае паседжаньне, на якім старшыняваў судзьдзя Бондараў, скончылася меней чым праз гадзіну і праходзіла без адваката і прадстаўнікоў другога боку.
“Тут і здароваму чалавеку цяжка”. Ці магчыма ў Віцебску знайсьці працу чалавеку з псыхічнымі парушэньнямі
Ці можа чалавек з псыхічнымі парушэньнямі знайсьці працу ў Віцебску, каб жыць самастойна і адчуваць сябе паўнавартасным грамадзянінам? На гэтае пытаньне спрабавалі адказаць удзельнікі круглага стала, які адбыўся 14 сакавіка ў Тэрытарыяльным цэнтры сацыяльнага абслугоўваньня насельніцтва Першамайскага раёну Віцебску.
Віцебскі абласны суд не задаволіў скаргу журналіста-фрылянсэра Зьмітра Лупача
7 сакавіка ў Віцебскім абласным судзе судзьдзя Сьвятлана Іванова разгледзела касацыйную скаргу журналіста Зьмітра Лупача на рашэньне суду Докшыцкага раёну.
Павал Левінаў выбарчай камісіі: Вы змарнавалі народныя грошыкі…
Праваабаронца Павал Левінаў накіраваў на адрас Віцебскай абласной выбарчай камісіі адкрыты ліст, у якім выказаў расчараваньне, што сябры камісіі не прыслухаліся да яго ранейшых парадаў і не абвясьцілі яшчэ ў студзені аб самароспуску. Гіпатэтычны сьпіс Левінава, дасланы ў выбаркам за два месяцы да выбараў, цалкам супаў з выніковым сьпісам выбраных у аблсавет дэпутатаў.
Невядомыя дыскрэдытуюць праваабаронцу Левінава праз фэйкавае відэа на youtube
На youtube зьявіўся чарговы ролік з мэтаю дыскрэдытаваць віцебскага праваабаронцу. Апублікаваны ён нібыта ад імя вядомага «лекара-праўдаруба» Ігара Пастнова, які катэгарычна адмаўляе сваю датычнасьць да гэтага.
Віцебскі абласны суд не задаволіў скаргі незалежных журналістаў
31 студзеня Віцебскім абласным судом разглядаліся адразу дзьве скаргі незалежных журналістаў – Тацяны Смоткінай і Зьмітра Лупача. У выніку разгляду рашэньні раённых судоў, якія падверглі журналістаў штрафам, пакінутыя бязь зьменаў.
Праваабаронцам стала вядома пра вынесены ў Віцебску сьмяротны вырак
Праваабаронца Павал Левінаў здабыў інфармацыю пра тое, што Віцебскім абласным судом 22 верасьня 2017 году быў вынесены сьмяротны прысуд. Ён набыў законную моц 6 кастрычніка 2017 году. Гэты прысуд не абскарджваўся і не апратэстоўваўся. Асуджаны па віцебскай справе зьмешчаны ў Сьледчы ізалятар № 1 Менску.
У Віцебску абвясьцілі прысуд Пятру Іванову: больш за 2 тысячы рублёў штрафу
У Кастрычніцкім судзе Віцебску 26 студзеня агучылі прысуд віцебскаму актывісту Пятру Іванову. Суд прызнаў яго вінаватым у зьдзяйсьненьні гвалту ў дачыненьні да службовай асобы падчас выкананьня той службовых абавязкаў (ч.1 арт. 366 КК РБ) і пакараў штрафам памерам 85 базавых велічынь. Іваноў быў вызвалены з-пад варты ў залі суду.
Праваабаронца Павал Левінаў паведаміў аб катаваньнях у віцебскім СІЗА спэцдакладчыку ААН
Віцебскі праваабаронца Павал Левінаў накіраваў тэрміновае паведамленьне спэцдакладчыку ААН па пытаньнях катаваньняў у сувязі з заявамі, якія зрабіў падчас судовых паседжаньняў актывіст Пётар Іваноў. У прыватнасьці, Іваноў паведаміў суду, што 7,8 і 12 сьнежня ў СІЗА яго жорстка зьбівалі ў мэтах атрыманьня прызнальных паказаньняў.
Павал Левінаў прапанаваў ЦВК спыніць выбары і зэканоміць грошы
Віцебскі праваабаронца Павал Левінаў прапанаваў Цэнтарвыбаркаму зьвярнуцца з просьбай да прэзыдэнта аб адмене выбараў у Віцебскі гарадзкі Савет дэпутатаў 28-га скліканьня, бо “дэпутацкі корпус ужо вядомы выбарцам”. Да звароту прыклаў сьпіс будучых пераможцаў па ўсіх акругах. І атрымаў ужо адказ: адмена немагчымая…