12 лістапада Праваабарончы цэнтар «Вясна» накіраваў на імя старшыні Вярхоўнага суду запыт адносна крымінальнай справы заснавальніка «Платформ інавэйшан» Міхаіла Жамчужнага, судовыя паседжаньні па якой праходзілі ў закрытым рэжыме.

Пад старшынствам намесьніка старшыні Віцебскага абласнога суду Зінаіды Бірук судовая калегія па грамадзянскіх справах пакінула без задавальненьня прыватную скаргу пятнаццацігадовай Настасьсі Антоненкі.

Пасьля разгляду касацыйнай скаргі і ўступленьня прысуду ў законную сілу віцебскі праваабаронца Міхаіл Жамчужны апынуўся ў карантыне ў папраўчай калёніі №14 у пасёлку Навасады Барысаўскага раёну Менскай вобласьці. Пра гэта ён паведаміў праваабаронцу Леаніду Сьвеціку, зь якім ён мае ліставаньне.

Пажыцьцёвае зьняволеньне – такі вырак 30 кастрычніка вынес Віцебскі абласны суд 55-гадоваму Дзьмітрыю Голубеву за забойства старшага дзяржінспэктара Аршанскай міжраённай інспэкцыі аховы жывёльнага і расьліннага сьвету Генадзя Раўкова.