Прапановы пабудаваць у абласным цэнтры аквапарк гучаць ужо не адно дзесяцігоддзе. Але сёлета справа нибыта ўжо зрушылася з месца: інвестары ўжо выкупілі два корпусы былога тэлезавода “Віцязь”, і ўжо створаны праект “шматфункцыянальнага комплекса з аквапаркам”. Праўда, гэты праект усе перарабляюць і перарабляюць. Апошні раз – у сувязі з апасеннямі Канструктарскага бюро «Дисплей», якое працуе на “абаронку” і вырабляе ў тым ліку авіяцыйныя дысплеі і ЭВМ спецыяльнага прызначэння.

9 кастрычніка  суды Чыгуначнага раёна Віцебска, Наваполацка, і  Докшыцкага раёна займаліся прызнаннем “экстрэмізму”. Вынікам стала ўключэнне 10 інтэрнэт-рэсурсаў у Рэспубліканскі спіс экстрэмісцкіх матэрыялаў.