«Віцебская вясна» абвясьціла імёны Абаронцаў правоў чалавека – 2018
Падсумоўваючы вынікі мінулага году, рэдакцыя самага ўплывовага праваабарончага інтэрнэт-рэсурсу Віцебскай вобласьці адзначыла заслугі як асобных актывістаў, гэтак і арганізацыяў ды грамадзянскіх ініцыятываў у прасоўваньні і абароне правоў чалавека ў рэгіёне.
Міністэрства аховы здароўя прайграла суд палачанцы
Суд Заводзкага раёну Менску задаволіў скаргу былой работніцы ААТ «Полацак-Шкловалакно» Алены Палаўчэні на незаконныя дзеяньні Міністэрства аховы здароўя.
У Свабоднага прафсаюзу адбіраюць офіс
На дзьверы офіса Свабоднага прафсаюзу Беларускага (СПБ) 9 лістапада працадаўца ААТ «Полацак-Шкловалакно» павесіў свой замок. Доступ рабочых заводу да дакумэнтаў і абсталяваньня прафсаюзу цяпер перакрыты. Усе прапановы прафсаюзу аб працягваньні дамовы арэнды офіса адміністрацыя заводу адхіляе.
Прадпрыемства “Полацак-Шкловалакно” ўвайшло ў склад СЭЗ “Віцебск”
Прадпрыемства “Полацак-Шкловалакно” зарэгістраванае ў якасьці рэзыдэнта СЭЗ “Віцебск”. Пра гэта 17 верасьня паведаміла прэс-служба Свабоднай эканамічнай зоны (СЭЗ) “Віцебск”.
Зваршчыку – выплаты, начальніку – штраф
Наймальнік заплаціў штраф, работнік атрымаў кампэнсацыю ў памеры трохмесячнага заробку. Такі вынік адмовы ў датэрміновым скасаваньні кантракту зваршчыку з Наваполацку. Іван Чыховіч прапрацаваў на будаўніцтве Астравецкай АЭС менш за год. Больш як паўгода яму не выдавалі спэцвопратку і сродкі індывідуальнай абароны.
Новым кіраўніком Свабоднага прафсаюзу Беларускага стаў актывіст з Полацку
У Менску 28 ліпеня адбыўся XII зьезд Свабоднага прафсаюзу Беларускага. Старшынём СПБ на альтэрнатыўнай аснове быў абраны Мікола Шарах, які раней зьяўляўся намесьнікам старшыні СПБ па Віцебскай вобласьці.
Дыплямат зь Нідэрляндаў наведаў Полацак. Сустракаўся з актывістамі прафсаюзу
Часовы павераны ў справах Каралеўства Нідэрляндаў у Рэспубліцы Беларусь спадар Паўл ван Oоствэйн працягвае падарожнічаць па Віцебшчыне. 18 ліпеня дыплямат сустрэўся з полацкімі прафсаюзнымі актывістамі Віктарам Стукавым і Міколам Шарахам.
Былая работніца «Шкловалакна» спрабуе праз суд дамагчыся кампэнсацыі за страту здароўя
Пазоўную заяву Алены Палаўчэні наконт выплаты кампэнсацыі за атрыманае прафзахворваньне на ААТ «Полацак-Шкловалакно» суд гораду Полацку пачаў разглядаць тры месяцы таму. 5 ліпеня было прынятае чарговае рашэньне пра прыпыненьне працэсу: жанчыне прапанавана нанова прайсьці мэдычны агляд. Працаўніца зьбіраецца абскарджваць гэтае рашэньне, вынесенае судзьдзёй Ірынай Даротка.
Падвяла пошта? Прафсаюзны актывіст адсутнічаў падчас разгляду яго скаргі ў аблсудзе
Судзьдзя Сьвятлана Іванова зь Віцебскага абласнога суду палічыла справядлівым і законным прызначэньне штрафу ў 1470 рублёў прафсаюзнаму актывісту Віктару Стукаву. Такім чынам, набыла моц ранейшая пастанова полацкага судзьдзі Ўладзімера Лапко на падставе галаслоўнага абвінавачаньня. Спадар Віктар не прысутнічаў на судовым разглядзе яго скаргі ў Віцебску 30 траўня, бо ня быў апавешчаны пра дату суду.
Дырэктар прадпрыемства адключыў электрычнасьць Свабоднаму прафсаюзу
Адміністрацыя ААТ «Полацак-Шкловалакно» апячатала электрычныя разэткі і ўключальнік сьвятла ў офісе Свабоднага прафсаюзу Беларускага (СПБ). Падзея адбылася 9 красавіка, акурат у той дзень, калі першасная арганізацыя работнікаў заводу адзначала 19 гадоў з дня стварэньня.