Школьнікаў Віцебшчыны далей адпраўляюць у Расею на зборы нэанацыстаў
У траўні ў мэдыях паведамлялася пра адпраўкі беларускіх дзяцей зь Віцебскай вобласьці на трэніроўкі да расейскіх нэанацыстаў, які маюць досьвед вайны на Данбасе. Тады Міністэрства ўнутраных спраў распачало праверку агучаных фактаў, адрэагаваў абвяржэньнем Сынод Беларускага Экзархату РПЦ. Але што ж у выніку сталася з тымі клюбамі?
Ірына Яскевіч: На месцы майго пікету школа ладзіла сьвята на карысьць іншага кандыдата
На месцы, замоўленым віцебскай кандыдаткай Ірынай Яскевіч для агітацыйнага пікету, школа, што побач, ладзіла імпрэзу ў падтрымку іншага кандыдата.
Праз брак сродкаў школу ў Дуброўне не адрамантавалі да 1 верасьня
Дубровенская школа №1 выявілася не гатовай да 1 верасьня. 600 вучняў будуць туліцца па іншых будынках у другую зьмену.
Малады прадпрымальнік зь Віцебску другі год запар выдае беларускамоўныя сшыткі
У асартымэнце ёсьць школьныя сшыткі на 12 аркушаў у шырокую лінейку і вузкую клетку, на вокладках беларускі арнамэнт, вершы, альфабэт, табліца множаньня. Ёсьць і паўагульныя: з «Пагоняй» і наборам асноўных беларускіх арнамэнтаў.
Настаўніца з Талачына выйграла грант ААН і стварыла ў сваёй школе аграэкасядзібу
Аграэкасядзіба зьявілася на базе СШ №2 у Талачыне. Рэальным жа гэта стала дзякуючы настаўніцы Тамары Сушковай. Менавіта яна перамагла ў конкурсе разьвіцьця мясцовых ініцыятыў ад ААН і выйграла грант на рэалізацыю гэтай самай ініцыятывы ў памеры 18 тысяч даляраў.
Ва Ўшачах будзе вуліца і школа імя Рыгора Барадуліна
Імя Рыгора Барадуліна будзе насіць вуліца, дзе стаіць дом паэта, у які ён прыяжджаў зь Менску, а таксама школа, якая знаходзіцца на гэтай вуліцы. Ва Ўшацкім музэі пашыраць частку экспазыцыі пра Рыгора Барадуліна. Зь ініцыятывай ушанаваць на радзіме памяць Рыгора Барадуліна выступілі Саюз беларускіх пісьменьнікаў, Рада Віцебскай абласной арганізацыі Таварыства беларускай мовы, шэраг іншых грамадзкіх аб’яднаньняў.
У Віцебскай вобласьці колькасьць зарэгістраваных на ЦТ абітурыентаў скарацілася на 10%
У Віцебскай вобласьці для ўдзелу ў цэнтралізаваным тэставаньні зарэгістраваліся 31 тыс. 331 чалавек, паведамілі ў абласной камісіі па кантролі за ходам падрыхтоўкі і правядзеньня ўступных выпрабаваньняў ва ўстановах вышэйшай і сярэдняй спэцыяльнай адукацыі.
Чыноўніца Талачынскага райвыканкаму: З навучаньнем на беларускай мове ў раёне ўсё добра
Што тычыцца навучаньня па-беларуску, паводле словаў начальніцы аддзелу адукацыі, спорту і турызму Талачынскага райвыканкаму Вольгі Шафранскай, сытуацыя ў Талачынскім раёне вельмі аптымістычная: «Усе школы ў Талачынскім раёне беларускамоўныя, акрамя дзьвюх расейскамоўных сельскіх школ-садкоў і гарадзкіх школ».
Жыхары Полацку зьбіраюць подпісы супраць закрыцьця школы
Жыхары Полацку пачалі збор подпісаў пад пэтыцыяй з просьбай не закрываць сярэднюю школу №13, разьмешчаную ў мікрараёне Ноўка. Адкрыты ліст у Полацкі райвыканкам склала маці адной са школьніц Кацярына Папялкоўская. Збор подпісаў ідзе на партале грамадзкіх ініцыятыў Change.org.
У гімназіі і школах Глыбокага колеры дзяржаўнага сьцягу Ўкраіны — пад забаронаю
Як распавёў гімназіст Данат Бука, тыдзень таму яго сястра прапанавала набыць і павязаць на заплечнікі жоўта-блакітныя стужкі. Некаторыя з вучняў вырашылі падтрымаць гэту ідэю. Так яны хацелі выказаць сваю салідарнасьць з украінскім народам. Падлеткі насілі такія стужкі амаль тыдзень. Але дырэктар гімназіі Людміла Хверанец зрабіла Данату заўвагу.